Bakı/15.03.19/Turan: Yazıçı və kinodramaturq, Azərbaycan Ziyalılar Hərəkatının rəhbəri Eldəniz Quliyev "İşartı" kitabını dərc etdirib. O, Turan-müsahibəsində bildirib ki, kitabda ona aid povestlər və hekayələr, həmçinin publisistik yazılar-məqalələr , müsahibə, esse toplanıb.
Kitab "Qanun" nəşriyyatında hazırlanıb, 1000 nüsxədə buraxılıb.
Müəllif kitabı onun qəhrəmanlarını düşüncə yolu ilə aparan "işığın fəallığı"nın təzahürü, öz missiyasının dərk edilməsi və yeni həyat təcrübəsi ilə zənginləşdirilməsi hesab edir.
"İnsan dünyanı özünün ondakı mövcudluğu ilə dərk edə bilər, o, kainatın kodunun, proqramının cəmləşdiyi mərkəzdir. Özünüdərk kainatın dərk edilməsidir". Bu, kitabda əsas fikir olaraq keçir. Müəllif oxucuları qəhrəmanları ilə fəlsəfi-mənəvi polemikaya çağırır. Kitab xeyirxahlığa, mənəvi təmizliyə və həssaslığa səsləyir.
Gələcək planları ilə bağlı sualın cavabında E.Quliyev deyib ki, "İşartı" onun sonuncu kitabıdır, belə ki, yenilərinə artıq güc qalmayıb. "Gələcəyi gələcək göstərəcək. Yəqin ki, sonuncudur, baxmayaarq ki, deyiləcək çox sey var. Sadəcə, artıq əvəlki güc yoxdur..."-0-
Mədəniyyət
-
Yanvarın 16-da nüfuzlu Gazelli Art House Elnarə Nəsirlinin irimiqyaslı “Meşənin Pıçıltısı – Səsin Sehri” adlı sərgisinin ikinci qapalı təqdimatına yenidən qapılarını açdı. Azərbaycanlı rəssamın bu sərgisi müxtəlif ölkələrin diplomatları, səfirlik nümayəndələri və xüsusi dəvətli qonaqlar tərəfindən böyük maraqla qarşılandı. Tədbir sərginin mədəniyyətlərarası və ekoloji əhəmiyyətini bir daha vurğuladı.
-
Hər il yanvarın 13-də Litva xalqı 1991-ci ildə müstəqillik uğrunda həyatlarını qurban vermiş qəhrəmanlarını anaraq Azadlıq Müdafiəçiləri Gününü qeyd edir. Bu mühüm tarix, Litva tarixində azadlıq iradəsinin Sovet təzyiqləri üzərində qələbə çaldığı dönüş nöqtəsini simvolizə edir. Həmin gün 14 nəfər həlak oldu, yüzlərlə insan yaralandı, lakin azadlıq arzusu heç vaxt sarsılmadı. Azadlıq Müdafiəçiləri Günü, Litva xalqının keçmişinə nəzər saldığı və azadlığın həqiqi qiymətini dərk etdiyi bir gündür.
-
YARAT Müasir İncəsənət Məktəbinin 2-ci buraxılış məzunları öz yaradıcı təxəyyüllərini “Sonluqdan Sonsuzluğa” adlı sərgi vasitəsilə tamaşaçılarla paylaşırlar.
-
Azərbaycanın zəngin mədəni irsi arasında teatr sənəti xüsusi yer tutur. Lakin bu irsin mühüm bir hissəsi olan bölgə teatrları uzun illər boyu paytaxt tamaşaçısından kənarda qalıb və tamaşaçı auditoriyası paytaxta nisbətən məhduddur. "Bölgə teatrlarının Bakı premyerası" layihəsi, bu boşluğu aradan qaldırmaq məqsədilə həyata keçirilərək, bölgə teatrlarını Bakı səhnəsinə daşımaqla həm yerli teatr sənətinə yeni nəfəs gətirir, həm də mədəniyyətlərarası dialoqu gücləndirir.
Rəy yaz