Açiq mənbələrdən foto.
Bakı/14.11.22/Turan: Noyabrın 14-25-də Bakıda ənənəvi, 12-ci Avropa festivalı keçiriləcək. Festivalı Avropa İttifaqının Bakıdakı nümayəndəliyi və Avropa İttifaqı ölkələrinin səfirlikləri “Landmark” Biznes Mərkəzi və “CinemaPlus” kinoteatrlar şəbəkəsilə birgə təşkil edir.
Festivalın proqramına 11 ölkədən - Çexiya, Almaniya, Estoniya, Fransa, Xorvatiya, Latviya, Litva, Macarıstan, Rumıniya, Slovakiya və İsveç, eləcə də Ukraynadan 12 film daxildir, Avropa İttifaqı nümayəndəliyinin məlumatında deyilir.
Festivala Avropa kinematoqrafiyasının son tendensiyaları təqdim olunacaq.
Nümayiş üçün seçilən filmlər müxtəlif janrları - dram, komediya, tarixi, sənədli və digərləri əhatə edir.
“Şadam ki, hər il keçirilən Avropa Film Festivalını bu il böyük ekranlara geri gətirə bildik. Bu, “Avropa komandası” çətiri altında Avropa İttifaqı və Avropa İttifaqına üzv dövlətlərin Azərbaycanda ənənəvi və tanınmış təşəbbüslərindən biridir. Biz azərbaycanlı tamaşaçılara Avropanın ən yeni filmləri, mədəniyyəti və dəyərləri haqqında daha çox məlumat əldə etmək, müzakirələrdə iştirak edib əlaqələr qurmaq imkanı vermək istəyirik”, - Avropa İttifaqının Azərbaycandakı nümayəndəliyinin rəhbəri Peter Mixalko bildirib.
Filmlər orijinal dildə, əsasən ingilis, həmçinin Azərbaycan və türk dillərində subtitrlərlə təqdim olunacaq. Filmlər Landmark CineClub (Nizami küçəsi, 90) və Dəniz Mall-da “CinemaPlus”da nümayiş etdiriləcək.
Avropa kinofestivallarının ənənəsinə sadiq qalaraq, bütün filmlərə giriş pulsuz olacaq.
Avropa kinofestivalları Avropa İttifaqı ölkələri ilə Azərbaycan arasında mədəni əlaqələrin inkişafı, Avropa film sənayesi vasitəsilə dəyərlərin daha yaxşı anlaşılmasına xidmət etmək məqsədilə hər il təşkil olunur.
2010-cu ildən Avropa kinofestivalları çərçivəsində 158 film nümayiş etdirilib.
Avropa Film Festivalı, filmlərin cədvəli və təfərrüatları ilə bağlı əlavə məlumat üçün www.eeas.europa.eu/delegations/azerbaijan İnternet səhifəsinə baxmaq və Avropa İttifaqının Azərbaycandakı nümayəndəliyinin Facebook səhifəsini izləmək olar: https://www.facebook.com/EUDelegationtoAzerbaijan.0
Mədəniyyət
-
Azərbaycanda elektron musiqi səhnəsi son illərdə canlansa da, bu sahədə qadın DJ-lərin sayı hələ də məhduddur. Musiqi sənayesində öz yerini tutmaq istəyən qadınlar təkcə texniki bacarıqları ilə deyil, həm də cəmiyyətin onlara biçdiyi rollarla və gender balanssızlığı ilə mübarizə aparmalı olurlar.
-
Dünyada dayanıqlılıq təşəbbüsləri sürətlə artarkən, Avropa İttifaqının "Yaşıl Gələcək 2025" müsabiqəsi Azərbaycanda gənc innovatorlar üçün ekoloji problemlərə biznes yönümlü həllər təqdim etməyə imkan yaradan bir platformaya çevrilib. Bakıda keçirilən bu müsabiqənin dördüncü buraxılışı Azərbaycanlı gənclərin yaşıl innovasiyalara bağlılığını və yaradıcılığını nümayiş etdirdi, Avropa İttifaqının genişmiqyaslı "Planetimiz naminə" kampaniyasına töhfə verdi.
-
Sənət mübadiləsi və mədəni diplomatiyanın bir bayramı olaraq, Bakıda Ambassador Cultural Club-da “Azərbaycanlı rəssamların gözü ilə Macarıstan” layihəsinin üçüncü mərhələsi çərçivəsində Macarıstanın ənənələrindən və mədəni irsindən ilhamlanan rəsm əsərlərinin sərgisi təqdim edilib. Azərbaycan Respublikasındakı Macarıstan səfirliyi və müstəqil incəsənət platforması «Arts Council Azerbaijan» tərəfindən təşkil olunan bu təşəbbüs iki ölkə arasında sənət və mədəniyyət sahəsində əlaqələrin dərinləşməsinə töhfə verir.
-
Ahmet Güneştekin İstanbul Bələdiyyəsi Feshane Mədəniyyət Mərkəzinin 8 min kvadratmetrlik qapalı salonlarında açılan “İtmiş Əlifba” fərdi sərgisindən bir neçə gün sonra Turan İnformasiya Agentliyinin suallarını cavablandırdı. İstanbulun bələdiyyə sədri Ekrem İmamoğlunun açdığı sərgi 20 iyula qədər açıq olacaq.
Rəy yaz