![Açiq mənbələrdən foto.](https://turan.az/resized/media/2022/main/021600044801-750-500-resize.webp)
Açiq mənbələrdən foto.
"Eurovision-2022" müsabiqəsində Azərbaycanı Nadir Rüstəmli təmsil edəcək
Bakı/16.02.22/Turan: İtaliyanın Turin şəhərində keçiriləcək "Eurovision-2022" beynəlxalq mahnı müsabiqəsində Azərbaycanı gənc ifaçı Nadir Rüstəmli təmsil edəcək. Bu barədə Azərbaycan İctimai Televiziya və Radio Yayımları Şirkətinin mətbuat xidməti məlumat yayıb.
İctimai TV-də yayımlanmış beynəlxalq lisenziyalı "Səs Azərbaycan"ın böyük finalında tamaşaçıların dəstəyini almış və səs çoxluğu ilə qalib seçilmiş gənc müğənni Nadir Rüstəmli 1999-cu ildə Salyan şəhərində doğulub və uşaq yaşlarından musiqi ilə məşğul olub. O, 2019-cu ildə "Youthvision" beynəlxalq tələbə mahnı müsabiqəsində ölkəmizi təmsil edib və 21 ölkə arasında Azərbaycana 2-ci yeri qazandırıb.
"Eurovision-2022"də Azərbaycan nümayəndə heyətinin rəhbəri İsa Məlikov bildirib ki, Nadirlinin müsabiqədə səsləndirəcəyi mahnı 300-dən çox mahnı arasından seçiləcək. Seçilən mahnı martın ikinci həftəsində elan ediləcək.
"Eurovision"un yarımfinal mərhələləri mayın 10-da və 12-də, final mərhələsi isə mayın 14-də "PalaOlimpico"da keçiriləcək. -06B-
-
- Maliyyə
- 16 Fevral 2022 11:07
Mədəniyyət
-
İyulun 9-da Almaniyanın Azərbaycandakı səfirliyinin iqamətgahında gender bərabərliyinə verilən töhfələrə görə 2024-cü il Almaniya-Fransa Gender Bərabərliyi mükafatının təqdimatı olub.
-
Müasir insanın kimlik və həyatda məna axtarışları son zamanlarda bir çox sənətçi tərəfindən müraciət edilən bir mövzudur. YAY Qalereyasında nümayış olunan Rasim Babayev, Elşən Baba, Orxan Hüseynov, Tərlan Qorçu, Aida Mahmudova,Qafar Rzayev, Zamir Süleymanov və ve CHINGIZ-in əsərlərindən ibarət "Hər şey yaxşı olacaq: Sabah ve ya nə vaxtsa" adlı qrup sərgisində müasir insanın həqiqəti, kimlik axtarışları və s. mövzular müxtəlif aspektlərdən işlənib. Sərginin kuratoru Zəhra Məmmədovadır.
-
İnsanlar özlərindən öncəki dövrləri öyrənmək üçün ya internetdə araşdırmalar edir ya filmlərə baxır ya da tamaşaların daimi izləyicisi olur. Mədəniyyət tarixinin bəzi dövrləri vardır ki, hazırda çox da dərindən araşdırılmayıb və Azərbaycan dilində dəqiq, detallı məlumatlar tapmaq isə demək olar ki, mümkün deyil. Belə dövrlərdən biri də 1794-1985-ci illərdə hakimiyyətdə olan Qacarların dövrüdür.
-
İyulun 5-dən 12-dək Azərbaycanda V "Sevil" Beynəlxalq Qadın Sənədli Film Festivalı keçirilir.
Rəy yaz