London
London/02.11.20/Turan: Oktyabrın 29-da Londonda Qafqaz problemlərinə həsr olunmuş yeni beynəlxalq jurnal fəaliyyətə başlayıb. Bu, Azərbaycan və Ermənistan arasında hərbi əməliyyatların başlandığı dövrdə baş verib, “Yahoo News” portalı məlumat verib.
“Azerbaijan in Focus” siyasət, beynəlxalq münasibətlər, biznes, iqtisadiyyat, enerji layihələri, multikulturalizm, mədəniyyət, səyahət, tarix, etnoqrafiya, kitab aləmi və təhsil problemlərini işıqlandıran
Ingilis dilində çoxplatformalı nəşrdir.
“Azərbaycan in Focus” informasiya boşluğunu doldurur, Azərbaycana maraq göstərən və sayı artan oxucuların diqqətini cəlb edir”, - nəşrin təsisçisi Taleh Bağıyev bildirib.
Jurnal Azərbaycan və Qərb jurnalistlərinin, nüfuzlu alimlərin və ekspert-analitika cəmiyyətinin digər nümayəndələrinin xəbər məqalələrini, oçerklərini, müəllif və redaksiya məqalələrini dərc edəcək”, - o qeyd edib.
Portal (www.azerfocus.com) geniş video və sosial kontentin dəsətyilə fəaliyyətə başlayır, aylıq çap nüsxələri 2021-ci ildən Avropanın böyük şəhərlərində yayılacaq.
T.Bağıyev qeyd edib ki, “Azerbaijan in Focus” ideyası Azərbaycanın birinci vitse-prezidenti Mehriban Əliyevanın həmvətənlərimizi vəAzərbaycanın dostlarını informasiya məkanında daha çox fəallıq göstərmək barədə çağırışındanyaranıb.
“Soydaşlarımızın haqq səsi tarixin saxtalaşdırılması hallarını aşkar etməyə və tamamilə əsassız, açıq-aydın yalan, təhrikçi materialların yayılmasının qarşısını almağa kömək edir”, - M.Əliyeva bildirib.
“Azerbaijan in Focus” birinci vitse-prezidentin ölkə üçün bu tarixi və həlledici dövrdə beynəlxalq informasiysa məkanında daha çox iştiraka çağırışının birbaşa nəticəsidir”, - jurnalın baş redaktoru Nil Uotson bildirib.
“Londonda yerləşən, Azərbaycana həsr olunmuş ilk media platformalarından biri olaraq, Azərbaycanın ədalət səsi olmaq üçün güclü bir jurnalist, tədqiqatçı və akademik komandası yaratmağı hədəfləyirik. Qərəzsiz, ədalətli və cəlbedici məzmun təqdim etməklə bərabər, yalan və saxta məlumatları müəyyən etmək və düzəltmək üçün çalışacağıq”.
“30 ilə yaxındır ki, Ermənistan beynəlxalq hüquq üzrə öhdəliklərini yerinə yetirmir. Azərbaycan prezidenti İlham Əliyevin də dediyi kimi, ölkəmiz öz ərazi bütövlüyünü bərpa etmək üçün öz torpaqlarında mübarizə aparır”,- bu mövzuda bir neçə kitabın, o cümlədən “Qafqazda erməni məsələsi” və “Xocalı faciəsi: beynəlxalq baxış” kitablarının müəllifi Taleh Bağıyev deyib. -02B-
Mədəniyyət
-
Bakının hərəkətli küçələrində, dəbin şəhərin siluetləri qədər dinamik olduğu bir mühitdə, sakit bir inqilab baş verir. Azərbaycanın tullantıların idarə edilməsində əldə etdiyi uğurlara baxmayaraq, geyim və tekstil tullantıları məsələsi ətraf mühitin inkişafına kölgə salmaqda davam edir. Təkcə 2023-cü ildə ölkədə 2,7 milyon ton bərk məişət tullantısı yaranıb. Bu rəqəm atılan geyimlərin artan miqyasını gizlətsə də, qlobal trendlərlə bənzərlikləri nəzərə çarpır. ABŞ-da hər il təxminən 17 milyon ton geyim tullantıya atılır, Avropa İttifaqında isə bu rəqəm 5,8 milyon tona çatır. Proqnozlara əsasən, sürətli dəbin inkişafı ilə bu göstərici 2050-ci ilə qədər 175 milyon tona qədər yüksələ bilər.
-
Azərbaycanda ianə mədəniyyəti zəngin tarixi keçmişə malik olsa da, müasir dövrdə bu ənənənin qarşılaşdığı problemlər də az deyil. İanələrin hədəf auditoriyaya çatması ilə bağlı şəffaflıq məsələləri, insanların inamının azalması və davamlı dəstək mexanizmlərinin olmaması bu sahədə əsas problemlərdən biridir. Həmçinin, ianə mədəniyyətinin təbliğatının zəif olması cəmiyyətin daha geniş təbəqələrində bu anlayışın inkişafına mane olur. İanələrin sosial təsirini artırmaq üçün həm maarifləndirmə, həm də müasir həllər vacibdir.
-
Soyuq bir dekabr həftəsonunda, Bakının mərkəzində yerləşən Passage1901 məkanı yaradıcılıq, ticarət və icma ruhunun canlandığı bir məkan oldu. Yerli brendləri, sənətkarları və kiçik biznesləri dəstəkləməyə həsr olunmuş “Bizimkilər” Festivalı 14-15 dekabr tarixlərində uzun fasilədən sonra yenidən baş tutdu. İki gün davam edən yenilikçi proqramla festival bir daha sənət ifadəsi, yerli sahibkarlıq və xeyriyyəçilik üçün canlı bir platforma olduğunu sübut etdi.
-
Azərbaycanın ən sevilən sənət xadimlərindən birinə rəngarəng hörmət əlaməti olaraq, Mədəniyyət üzrə Elmi-Metodiki və İxtisasartırma Mərkəzi (MEMİM), Azərbaycan Dövlət Rəsm Qalereyası və Azərbaycan Rəssamlar İttifaqının birgə təşkilatçılığı ilə 13 dekabr 2024-cü il tarixində “Tablolarda Nağıllar” adlı sərgi-müsabiqəyə yekun vurdu. Bu tədbir, Xalq rəssamı Səttar Bəhlulzadənin nəsilləri ilhamlandırmağa davam edən ölməz yaradıcılığını qeyd etmək məqsədilə təşkil olunmuşdu.
Rəy yaz