Bakı/23.09.16/Turan: Amerika Birləşmiş Ştatlarının Azərbaycandakı Səfirliyi “Amerika Musiqisinin Elçiləri” proqramının bir hissəsi kimi Matuto musiqi qrupunun 20-30 sentyabr 2016-cı il tarixində Azərbaycana səfərini dəstəkləməkdən böyük məmnunluq duyur. Musiqi qrupu növbəti iki həftə ərzində Azərbaycanda altı konsert proqramıilə çıxış edəcək.
Matuto qrupunun möhtəşəm səhnə şousu 2011-ci ildə Danimarkanın paytaxtı Kopenhagendə keçirilən Womex Beynəlxalq Musiqi Konfransında onlara böyük uğur qazandırıb. Bundan başqa, qrup 2012-ci ildə ABŞ Dövlət Departamentinin “Amerika Musiqisinin Səfirləri” təyinatı ilə Qərbi Avropa, Şimal-şərqi Braziliya və Şərqi Avropa səhnələrində konsert proqramı ilə çıxış edib.
Matuto qrupunun musiqisi bütövlükdə rəqs üzərində qurulmuşdur. Braziliya foxo rəqs elementləri və Amerikaya məxsus bluegrass musiqi janrından mükəmməl şəkildə yaratdıqları ritm hər bir tamaşaçını dərhal rəqs etməyə sövq edir. İstifadə etdikləri musiqi alətləri bir-biri ilə vəhdət təşkil edərək, irəli-geri yırğalanır, sanki gərginlik ətrafında fırlanır: Braziliya musiqi köklərinin latın sinkopasiyası ilə Amerikanın cənub folklor ənənələri arasında harmoniya. Bu, kağız üzərində nə qədər qəribə görünsə də, səhnədə öz yerini tapan Amerikanın Braziliya ilə görüşüdür.
ABŞ-ın Azərbaycandakı Səfirliyinin dəstəyi ilə Azərbaycanda ilk dəfə olaraq çıxış edəcək Matuto musiqi qrupunun səfəri Amerika və Azərbaycan arasında mədəniyyətlərarası anlaşmanın güclənməsinə töhfə verəcək.
Qrupun Bakı, İsmayıllı, Mingəçevir və Gəncəyə səfəri planlaşdırılıb. Səfər zamanı qrup ictimai konsertlər verəcək, yerli musiqiçilər üçün ustad dərsləri təşkil edəcək.
Matuto qrupunun Azərbaycandakı bütün çıxışları pulsuz və ictimaiyyət üçün açıqdır.
22 sentyabr, 2016 19:00, Bakı Musiqi Akademiyası
24 sentyabr, 2016 17:00, İsmayıllı Turizm Bazarı
25 sentyabr, 2016 19:00, Gənclik Mall, Bakı
27 sentabr, 2016 17:00, Azərbaycan Dillər Universiteti, Bakı
28 sentyabr, 2016 17:00, Mingəçevir Dövlət Dram Teatrı
29 sentyabr, 2016 17:00, Gəncəçay Park-Bulvar, Gəncə
Əlavə məlumatı ABŞ-ın Azərbaycandakı Səfirliyinin Facebook səhifəsindən əldə edə bilərsiniz: www.facebook.com/baku.usembassy. -02D-
Mədəniyyət
-
Azərbaycanda elektron musiqi səhnəsi son illərdə canlansa da, bu sahədə qadın DJ-lərin sayı hələ də məhduddur. Musiqi sənayesində öz yerini tutmaq istəyən qadınlar təkcə texniki bacarıqları ilə deyil, həm də cəmiyyətin onlara biçdiyi rollarla və gender balanssızlığı ilə mübarizə aparmalı olurlar.
-
Dünyada dayanıqlılıq təşəbbüsləri sürətlə artarkən, Avropa İttifaqının "Yaşıl Gələcək 2025" müsabiqəsi Azərbaycanda gənc innovatorlar üçün ekoloji problemlərə biznes yönümlü həllər təqdim etməyə imkan yaradan bir platformaya çevrilib. Bakıda keçirilən bu müsabiqənin dördüncü buraxılışı Azərbaycanlı gənclərin yaşıl innovasiyalara bağlılığını və yaradıcılığını nümayiş etdirdi, Avropa İttifaqının genişmiqyaslı "Planetimiz naminə" kampaniyasına töhfə verdi.
-
Sənət mübadiləsi və mədəni diplomatiyanın bir bayramı olaraq, Bakıda Ambassador Cultural Club-da “Azərbaycanlı rəssamların gözü ilə Macarıstan” layihəsinin üçüncü mərhələsi çərçivəsində Macarıstanın ənənələrindən və mədəni irsindən ilhamlanan rəsm əsərlərinin sərgisi təqdim edilib. Azərbaycan Respublikasındakı Macarıstan səfirliyi və müstəqil incəsənət platforması «Arts Council Azerbaijan» tərəfindən təşkil olunan bu təşəbbüs iki ölkə arasında sənət və mədəniyyət sahəsində əlaqələrin dərinləşməsinə töhfə verir.
-
Ahmet Güneştekin İstanbul Bələdiyyəsi Feshane Mədəniyyət Mərkəzinin 8 min kvadratmetrlik qapalı salonlarında açılan “İtmiş Əlifba” fərdi sərgisindən bir neçə gün sonra Turan İnformasiya Agentliyinin suallarını cavablandırdı. İstanbulun bələdiyyə sədri Ekrem İmamoğlunun açdığı sərgi 20 iyula qədər açıq olacaq.
Rəy yaz