Oktyabrın 16-da Bakı Beynəlxalq Mətbuat Mərkəzində “258 nömrəli PDM-in ekipajı” sənədli filminin təqdimatı keçirilib.
Film döyüş maşınının 1993-cü il iyunun 12-də Azərbaycanın Ağdam rayonunun Mərzili kəndi uğrunda döyüşlərdə məşhur erməni terrorçusu Monte Melkonyanın məhv etmiş ekipaj üzvlərindən bəhs edir.
Film müəllifləri sənədlər, şahidlərin, hadisələrin həyatda olan iştirakçılarının ifadələri əsasında döyüş əməliyyatlarının xronologiyasını bərpa ediblər.
Film Melkonyanın məhz həmin vaxt və həmin yerdə öldürüldüyünü əsaslı şəkildə sübut edərək, bütün digər iddiaların yalan olduğunu üzə çıxarır.
Film “ASALA” terror təşkilatının başçılarından birini kimin və harada məhv etdiyi haqqında uzun mübahisələrə nöqtə qoyur.
Filmin ssenari müəllifi Şahin Hacıyev, rejissoru Elcan Məmmədov, operatoru Elman Nəbiyev, montajçısı Sərxan Vəliyevdir. Film Nəcəf Nəcəfov fondunun dəstəyi ilə çəkilib.
Filmi aşağıdakı səhifədə izləmək olar: https://www.youtube.com/watch?v=LLZfm4TFmRM
Mədəniyyət
-
İqlim dəyişikliyinin ən kəskin qlobal problemlərdən biri kimi qəbul edildiyi dövrdə bu problem Latviyanın Flow (“Axın”) cizgi filmində öz dərin, vizual inandırıcı əks-sədasını tapıb. FantazEU Mədəni İrs Festivalı çərçivəsində Park Cinema-da nümayiş etdirilən “Axın” tamaşaçılara ekoloji fəlakət şəraitində yaşamaq, əməkdaşlıq və davamlılıq haqqında sözsüz, vizual olaraq heyrətamiz meditasiya təqdim edir. 2024-cü ildə çəkilmiş cizgi- fantaziyanın rejissoru Gints Zilbalodis, ssenaristlər Zilbalodis və Matiss Kajadır. O, beynəlxalq festivallarda mükafatlar alıb və hər yaşda azərbaycanlı tamaşaçıda təəssürat oyadıb.
-
Hazırda yeni qadın yazıçı, şairlərin və ədəbiyyat tədbirlərində onların iştirakçılıqlarının az olması diqqət çəkən nüanslardandır. “Salaam Cinema Mədəniyyət və İncəsənət Məbədi”-nin tərkibində “Yazı Laboratoriyası” bu bərabərsizliyi aradan qaldırmaq üçün “Ədəbiyyat səhnəsində qadınlar zamanı” adlı açıq mikrafon tədbiri keçirib.
-
Azərbaycan kinosunun yeni dalğası yaranır, yerli kinematoqrafçılar müasir həyatın, müharibənin və ailənin çətinliklərini yeni perspektivlər vasitəsilə araşdırırlar. Oktyabrın 22-də Azərbaycan Kinematoqrafçılar İttifaqı "Nizami" Kino Mərkəzində "Yeni nəsil, yeni nəfəs, yeni nəzər" adlı xüsusi tədbir keçirib.
-
Tanınmış azərbaycanlı yazıçı Əkrəm Əylislinin əsərləri "Adamlar və ağaclar" trilogiyasının ingilis dilinə tərcüməsilə ABŞ-da yeni səs qazanıb. Həyəcanverici xatirələri və çox zaman mübahisəli əsərlərilə tanınan Əylisli bu topluda sovet dövründə Azərbaycan kəndindəki həyatı parlaq təsvir edir. Öz ədəbi şücaətinə görə vətənində şöhrət qazanmış müəllif son illərdə, xüsusilə, Azərbaycan-Ermənistan münasibətləri ətrafında həssas mövzuların araşdırılmasına görə sərt reaksiya ilə üzləşib.
Rəy yaz