Bakı/25.06.18/Turan: Alim, yazıçı və tərcüməçi Nəriman Qasımoğlu görkəmli amerikalı tarixçi Frederik Starın "İtirilmiş maarif: Mərkəzi Asiyanın qızıl dövrü, ərəb istilasından Teymurləngədək" kitabı üzərində işi başa çatdırıb.
"Kitab ingilis dilindən Azərbaycan dilinə tərcümə edilib və ADA Universitetində nəşr olunub. Ötən həftə ADA Universitetində kitabın təqdimat mərasimində F.Star iştirak edib", -N.Qasımoğlu FB-də bildirib.
824 səhifəlik kitabda islam sivilizasiyasının tarixindən və böhranından bəhs edilir. Yeni araşdırma elmi-akademik dairələrdə böyük maraq doğurub və bir neçə dilə tərcümə edilib.
Kitab F.Star və ADA-nın rektoru Hafiz Paşayevin azərbaycanlı oxuculara müraciətləri ilə başlayır.
Kitabın Azərbaycan variantının annotasiyasında F.Star bildirir ki, Azərbaycan dilinə tərcümənin təşəbbüsçüsü tarixçi, doktor Eldar İsmayılovdur. Bu böyük işin təşkilində şəxsən iştirak edib. F.Star H.Paşayevə minnətdarlığını bildirir, Azərbaycan və Qafqaz mədəniyyətlərinin inkişafında E.İsmayılovun fəaliyyətinin əhəmiyyətini vurğulayır.
F.Star tərcüməçi N.Qasımoğlunun əməyini yüksək qiymətləndirib: "ADA müəllim heyətinin görkəmli nümayəndəsi göstərdi ki, dərin bilik və hər iki dilin incəliklərinə bələd olmadan gerçək tərcümə mümkün deyil".
1993-cü ildə N.Qasımoğlunun Azərbaycan dilinə çevirdiyi Müqəddəs Quran dərc edilib. Sonradan o, Quranın izahatlarla zəngin daha mükəmməl tərcüməsini nəşr etdirib. -0-
Mədəniyyət
-
Azərbaycanda kitabların qiyməti geniş diapazonda dəyişir və adətən 5-25 AZN ($3-$15) arasında olur. Bununla belə, artan yaşayış xərcləri səbəbindən bir çox kitabsevərlər sevdikləri əsərləri əldə etməkdə çətinlik çəkirlər. Nəticədə, ikinci əl kitablar, elektron kitablar və ya xarici ölkələrdən onlayn sifarişlər daha sərfəli alternativlər kimi populyarlaşır.
-
İncəsənət və ekologiyanın birləşdiyi COP29 yaşıl zonasının mərkəzində Azərbaycan cəsarətli bəyanatla çıxış edib. Dünya səslərinin hay-küyü arasında ART Pavilion mədəniyyətin, yaradıcılıq və davamlılığın kəsişməsinə bariz sübutdur. Onun mərkəzində azərbaycanlı rəssam Aida Mahmudova özünün təəssüratoyadıcı Beyond Functionality adlı sərgisini təqdim edib.
-
Mexikoda keçirilən möhtəşəm mərasimdə Danimarkanın kiçik Dunstal şəhərindən olan 21 yaşlı Victoria Kjær Teilvig “Miss Universe” yarışmasının qalibi elan olundu. Bu, Danimarkadan olan iştirakçının bu mötəbər titulu qazandığı ilk haldır.
-
İqlim dəyişikliyinin təsirləri getdikcə artan bir dünyada, incəsənət gözlənilməz, lakin güclü bir platforma olaraq ortaya çıxaraq ekoloji məsuliyyət barədə məlumatlandırma və müzakirələrə təkan verir. Bu təşəbbüslərdən biri də hazırda Goethe-Institutun dəstəyi ilə Kapellhausda nümayiş olunan “Başqa bir iqlim növü” adlı sərgidir. Bu sərginin zamanlaması təsadüfi deyil və 11-22 noyabr tarixlərində Bakıda keçiriləcək BMT-nin İqlim Dəyişikliyi üzrə Çərçivə Konvensiyasının Tərəflər Konfransı — COP29 ilə üst-üstə düşür. Sərgi, yerli və beynəlxalq perspektivləri birləşdirərək tamaşaçılara vacib ekoloji məsələlər barədə düşünməyi təklif edir.
Rəy yaz