![Açiq mənbələrdən foto.](https://turan.az/resized/media/2022/main/042000043657-750-500-resize.webp)
Açiq mənbələrdən foto.
- Mədəniyyət
- 20 Aprel 2022, 11:03
- 98
"Qanun” Nəşrlər Evinin rəhbəri Fransanın İncəsənət və Ədəbiyyat Ordeninin Cəngavər rütbəsinə layiq görülüb
Bakı/20.04.22/Turan: “Qanun” Nəşrlər Evinin rəhbəri Şahbaz Xuduoğlu Fransanın mədəniyyət naziri Roselin Baçelot tərəfindən İncəsənət və Ədəbiyyat Ordeninin Cəngavər rütbəsinə layiq görülüb.
Bu münasibətlə Fransanın Azərbaycandakı səfirliyində tədbir keçirilib.
Cəngavər ordenini Fransanın Azərbaycandakı səfiri Zakari Qross təqdim edib.
Səfir çıxışında bildirib ki, “Qanun" nəşriyyatı fransız dili də daxil olmaqla, müxtəlif xarici dillərdən Azərbaycan dilinə tərcümələr edib. Xarici əsərlər Azərbaycan dilinə tərcümə olunaraq azərbaycanlı oxuculara çatdırılıb.
Diplomat deyib ki, nəşriyyat Nobel mükafatı almış yazıçıların əsərlərini Azərbaycan dilinə tərcümə edib ki, bu da təqdirəlayiq haldır.
Təqdimat mərasimində çıxış edən Şahubaz Xuduoğlu bu mükafata görə təşəkkürünü bildirib.
“Bu mükafat həyatımda aldığım çox mötəbər mükafatdır. Dramaturq Mirzə Fətəli Axundovun "Müsyö Jordan və Dərviş Məstəli Şah" pyesində Şahbaz bəy Parisə getmək istəyirdi. Dərviş Parisi partlatdı. Şahbaz bəy Parisə gedə bilmədi. Həmin tarixdən 170 il keçir və deyəsən, Paris Şahbaz bəyi dəvət edir”, - o qeyd edib.-16B-
Mədəniyyət
-
Alen Delon, cazibədar görünüşü və maqnitik varlığı ilə Avropa kinosunu onilliklər ərzində müəyyənləşdirən Fransız kino ikonu, 88 yaşında vəfat edib. Övladları onun ölümünü bazar günü Agence France-Presse-ə verdikləri açıqlama ilə təsdiqləyib.
-
İyulun 9-da Almaniyanın Azərbaycandakı səfirliyinin iqamətgahında gender bərabərliyinə verilən töhfələrə görə 2024-cü il Almaniya-Fransa Gender Bərabərliyi mükafatının təqdimatı olub.
-
Müasir insanın kimlik və həyatda məna axtarışları son zamanlarda bir çox sənətçi tərəfindən müraciət edilən bir mövzudur. YAY Qalereyasında nümayış olunan Rasim Babayev, Elşən Baba, Orxan Hüseynov, Tərlan Qorçu, Aida Mahmudova,Qafar Rzayev, Zamir Süleymanov və ve CHINGIZ-in əsərlərindən ibarət "Hər şey yaxşı olacaq: Sabah ve ya nə vaxtsa" adlı qrup sərgisində müasir insanın həqiqəti, kimlik axtarışları və s. mövzular müxtəlif aspektlərdən işlənib. Sərginin kuratoru Zəhra Məmmədovadır.
-
İnsanlar özlərindən öncəki dövrləri öyrənmək üçün ya internetdə araşdırmalar edir ya filmlərə baxır ya da tamaşaların daimi izləyicisi olur. Mədəniyyət tarixinin bəzi dövrləri vardır ki, hazırda çox da dərindən araşdırılmayıb və Azərbaycan dilində dəqiq, detallı məlumatlar tapmaq isə demək olar ki, mümkün deyil. Belə dövrlərdən biri də 1794-1985-ci illərdə hakimiyyətdə olan Qacarların dövrüdür.
Rəy yaz