Rəssam Nadir Bayrışovun fərdi sərgisi fəaliyyətə başlayıb

Bu günlərdə Vəcihə Səmədova adına sərgi salonunda rəssam Nadir Bayrışovun fərdi əl işlərindən ibarət “Narahat dünya” sərgisi açılıb.

Sərgidə N.Bayrişovun əl işi olan 60-a yaxın rəsm əsəri nümayiş etdirilir. Rəssam XX əsrin 90-cı illərindən bu yana Azərbaycanın apardığı milli mübarizə, Qarabağ müharibəsi, bu müharibədəki itkilərlə bağlı tablolar yaradıb. Bundan əlavə, rəssam hazırda dünyamızda baş verən qanlı toqquşmaları əks etdirən rəsmlərilə yer planetinin həssas bir dönəm yaşamasına diqqət çəkir. 

Bununla yanaşı, rəssam sərgidə absrtrakt mövzulara aid olan əsərlərə də yer verib. Belə ki, rəssam “Cəhənnəm” adlı tabloda əcaib səhnələr yaradıb. Bununla da cəhənnəm “belə təsvir edilir, bu təsvirin özü həqiqətdirmi?” sualına cavab axtarır.

Diqqəti cəlb edən daha bir tablo “Qaçqınlar”dır. Bu tablo irihəcmlidir, ölkəmizin həyatına daxil olan son 20-25 ilin qaçqınlıq hadisələrini əks edir. Tablo real həyat hadisələrinə rəssam baxışını, daxili münasibət hissini ifadə edir.

Bundan əlavə, bu sərgidə XX əsrin 90-cı illərində Şimali Qafqazda baş.vermiş azadlıq mübarizəsi də əksini tapıb, Cövhər Dudayevin Çeçenistanda apardığı mübarizədən epizodlara yer verilib.

Sərgi noyabrın 30-na kimi davam edəcək.

Sərginin açılışnda iştiurak edən Azərbaycan Rəssamlar İttifaqının (ARİ) katibi Səlxab Məmmədov N.Bayrışovun ilk fərdi sərgisi haqda danışıb. N.Bayrışov istedadlı rəssamlardan biri kimi dəyərləndirilib. Tədbirə qatılan rəssamın sənət dostları onun haqqında müsbət çıxış ediblər, yeni uğurlar arzulayıblar.

N.Bayrışov 1957-ci ildə Neftçalada anadan olub. Bakıda Əzim Əzimzadə adına İncəsənət Məktəbini bitirib. -05D-

FOTOLAR http://contact.az/docs/2014/Photo%20sessions/112500097838ru.htm