Bakı/03.02.20/Turan: Fevralın 28-də Şahdağ Turizm Mərkəzində açılmış “Art Zone Week-2020” simpoziumu başa çatıb. Simpoziuma Azərbaycan və Rusiyadan 12 rəssam qatılıb. Bu barədə Turan-a tədbirin təşkilatçısı, telejurnalist Şakir Eminbəyli məlumat verib.
Simpoziumda məqsəd bölgənin turizm imkanlarının təbliği olub. Həftə ərzində iştirakçılar Qubada və digər yaşayış məntəqələrində mənzərələri və memarlıq abidələrini təsvir ediblər, hər yaşdan olan yerli məktəblilər üçün ustad dərsləri keçiriblər.
İlk belə simpozium Qəbələdə keçirilib.
Şahdağ simpoziumu martın 3-də iştirakçılar Müseyib Əmirov, Rəna Məmmədova, Emin Əsgərov, Azər Əliyev, Rəfail Əliyev və digərləri, o cümlədən rusiyalı Bayram Salamovun əsərlərinin yekun sərgisi ilə başa çatıb.
“Simpozium zamanı çəkilmiş rəsmlər martın sonunadək “Şahdağ” Mərkəzində sərgilənəcək, satışa isə bir neçə ildən sonra çıxarılacaq. Simpoziumun qaydaları belədir”,- Ş.Eminbəyli dəqiqləşdirib.--0--
Mədəniyyət
-
Azərbaycanda elektron musiqi səhnəsi son illərdə canlansa da, bu sahədə qadın DJ-lərin sayı hələ də məhduddur. Musiqi sənayesində öz yerini tutmaq istəyən qadınlar təkcə texniki bacarıqları ilə deyil, həm də cəmiyyətin onlara biçdiyi rollarla və gender balanssızlığı ilə mübarizə aparmalı olurlar.
-
Dünyada dayanıqlılıq təşəbbüsləri sürətlə artarkən, Avropa İttifaqının "Yaşıl Gələcək 2025" müsabiqəsi Azərbaycanda gənc innovatorlar üçün ekoloji problemlərə biznes yönümlü həllər təqdim etməyə imkan yaradan bir platformaya çevrilib. Bakıda keçirilən bu müsabiqənin dördüncü buraxılışı Azərbaycanlı gənclərin yaşıl innovasiyalara bağlılığını və yaradıcılığını nümayiş etdirdi, Avropa İttifaqının genişmiqyaslı "Planetimiz naminə" kampaniyasına töhfə verdi.
-
Sənət mübadiləsi və mədəni diplomatiyanın bir bayramı olaraq, Bakıda Ambassador Cultural Club-da “Azərbaycanlı rəssamların gözü ilə Macarıstan” layihəsinin üçüncü mərhələsi çərçivəsində Macarıstanın ənənələrindən və mədəni irsindən ilhamlanan rəsm əsərlərinin sərgisi təqdim edilib. Azərbaycan Respublikasındakı Macarıstan səfirliyi və müstəqil incəsənət platforması «Arts Council Azerbaijan» tərəfindən təşkil olunan bu təşəbbüs iki ölkə arasında sənət və mədəniyyət sahəsində əlaqələrin dərinləşməsinə töhfə verir.
-
Ahmet Güneştekin İstanbul Bələdiyyəsi Feshane Mədəniyyət Mərkəzinin 8 min kvadratmetrlik qapalı salonlarında açılan “İtmiş Əlifba” fərdi sərgisindən bir neçə gün sonra Turan İnformasiya Agentliyinin suallarını cavablandırdı. İstanbulun bələdiyyə sədri Ekrem İmamoğlunun açdığı sərgi 20 iyula qədər açıq olacaq.
Rəy yaz