Türkiyənin tanınmış köşə yazarı Yılmaz Özdilin “Son cürət” adlı yeni əsərinə kitab bazarından rekord sayda tələb gəlib. Bu barədə Turan informasiya agentliyinə “Son cüərt” kitabını çap edən SİA nəşriyyatının sahibi Saleh Yavuz verib.
”Kitabı 9 oktaybrda mətbəədən konkret sifarişlərə görə topdan və pərakəndə satış mağazalarına göndərməyə başladıq. Əvvəlcədən 400 min sifariş almışdıq, 30 min də əlavə çap etdik, ancaq gələn tələbə görə, hamısını satıb mətbəəyə 500 min ədəd ikinci nəşrin sifarişini verdik. Türkiyənin böyük kitab mağazalarından əlavə,marketlər zəncirində də Yılmaz Özdilin “Son cürət” əsəri satılır.
Türkiyə torpaqlarının işğaldan azad edilməsi uğrunda mübarizənin fəal iştirakçılarından bəhs edən kitabın bizim nəşriyyatımızdan çıxmasına çox sevinirəm.
Türkiyənin ən çox oxunan yazarı hörmətli Yılmaz Özdil ilə əməkdaşlıq etmək nəşriyyatımızın gücünə güc qatır”- deyə sözlərinə davam edən SİA nəşriyyatının sahibi Saleh Yavuz mətbəəyə ikinci sifariş kimi verilən 500 min ədəd kitabın da sürətlə satışa çıxarıldığını vurğulayıb.
Yılmaz Özdilin 2 il əvvəl çapdan çıxan “Mustafa Kamal” kitabı indiyə qədər təxminən 1 milyon 200 min ədəd satılıb.
Bakıda 2019-cu ilin fevralında çap edilən kitab rus,alman, Çin, ərəb,ingilis dillərində də işıq üzü görüb.
”Son cürət” kitabında Türkiyənin istiqlal savaşında iştirak edən mühüm şəxslərin həyatının indiyə qədər çox məlum olmayan tərəfləri işıqlndırılıb.
Müəllifin bildirdiyinə görə, kitabda istifadə etmək üçün 12 il material toplayandan sonra əsəri 2 ilə qələmə alıb.”Son cürət” kitabına Türkiyənin məşhur televiziya jurnalisti və köşə yazarı Uğur Dündar ön söz yazıb.
Mədəniyyət
-
Azərbaycanda elektron musiqi səhnəsi son illərdə canlansa da, bu sahədə qadın DJ-lərin sayı hələ də məhduddur. Musiqi sənayesində öz yerini tutmaq istəyən qadınlar təkcə texniki bacarıqları ilə deyil, həm də cəmiyyətin onlara biçdiyi rollarla və gender balanssızlığı ilə mübarizə aparmalı olurlar.
-
Dünyada dayanıqlılıq təşəbbüsləri sürətlə artarkən, Avropa İttifaqının "Yaşıl Gələcək 2025" müsabiqəsi Azərbaycanda gənc innovatorlar üçün ekoloji problemlərə biznes yönümlü həllər təqdim etməyə imkan yaradan bir platformaya çevrilib. Bakıda keçirilən bu müsabiqənin dördüncü buraxılışı Azərbaycanlı gənclərin yaşıl innovasiyalara bağlılığını və yaradıcılığını nümayiş etdirdi, Avropa İttifaqının genişmiqyaslı "Planetimiz naminə" kampaniyasına töhfə verdi.
-
Sənət mübadiləsi və mədəni diplomatiyanın bir bayramı olaraq, Bakıda Ambassador Cultural Club-da “Azərbaycanlı rəssamların gözü ilə Macarıstan” layihəsinin üçüncü mərhələsi çərçivəsində Macarıstanın ənənələrindən və mədəni irsindən ilhamlanan rəsm əsərlərinin sərgisi təqdim edilib. Azərbaycan Respublikasındakı Macarıstan səfirliyi və müstəqil incəsənət platforması «Arts Council Azerbaijan» tərəfindən təşkil olunan bu təşəbbüs iki ölkə arasında sənət və mədəniyyət sahəsində əlaqələrin dərinləşməsinə töhfə verir.
-
Ahmet Güneştekin İstanbul Bələdiyyəsi Feshane Mədəniyyət Mərkəzinin 8 min kvadratmetrlik qapalı salonlarında açılan “İtmiş Əlifba” fərdi sərgisindən bir neçə gün sonra Turan İnformasiya Agentliyinin suallarını cavablandırdı. İstanbulun bələdiyyə sədri Ekrem İmamoğlunun açdığı sərgi 20 iyula qədər açıq olacaq.
Rəy yaz