Bakı/15.01.18/Turan: Avropa İttifaqının Azərbaycandakı nümayəndəliyi Turan agentliyinin "Mədəniyyət vasitəsilə Avropaya" sərlövhəli məqaləsini müsabiqənin qalibi elan edib.
Müsabiqə 2017-ci ilin noyabrında Bakıda keçirilən Avropa Filmləri Festivalının yekunlarına həsr olunub.
Qalibin mükafatı müəllifin - jurnalist Emil Quliyevin 2018-ci ilin fevralında keçiriləcək Berlin Kino Festivalında iştirakıdır.
Müsabiqənin yekunları dünən 2017-ci ilin yekunları üzrə tədbirdə elan edilib. Aİ nümayəndəliyi həmçinin ictimaiyyətə ötən il görülmüş işlər haqqında hesabat təqdim edib.
Xüsusən, ötən il Aİ-nin Azərbaycandakı nümayəndəliyi Lənkəranda, Şəkidə "Avroturlar" keçirilib, burada regionlarda təhsil alan tələbələr, ictimaiyyət nümayəndələri ilə görüşlər, əhalini Avropa mədəniyyəti ilə tanış etmək məqsədi daşıyan mədəniyyət tədbirləri keçirilib.
İl ərzində nümayəndəlik tərəfindən "İmagine" tolerantlıq festivalı, Avropa Filmləri Festivalı keçirilib.
Aİ-nin nümayəndəliyi "Asan radio" ilə birlikdə "Avropadasan" verilişləri silsiləsini təqdim edib, "Sizin Avropa" saytını yaradıb, onlar vasitəsilə ictimaiyyət Avropa dəyərləri, Avropada hamı tərəfindən qəbul edilmiş prinsiplərlə və qədim qitə haqqında digər xəbərlərlə tanış olur.
Tədbirdə çıxış edən Aİ-nin Azərbaycan nümayəndəliyinin rəhbəri, səfir Kestutis Yankauskas bildirib ki, Avropa İttifaqı 2018-ci ildə Azərbaycanla dinamik əməkdaşlığı davam etdirmək niyyətindədir.
"Hazırda Azərbaycan və Aİ arasında yeni saziş üzrə danışıqlar aparılır. Danışıqlar yaxşı səviyyədə aparılır", deyə o bildirib.
Səfir qeyd edib ki, tərəflər arasında aviasiya sazişi arasında danışıqlar da yekunlaşma mərhələsindədir.
Səfir xatırladıb ki, 2018-ci il Azərbaycanda Azərbaycan Xalq Cümhuriyyəti ili elan edilib və Aİ nümayəndəliyi öz növbəsində bu tarixi qeyd edəcək.
Kestutis Yankauskas qeyd edib ki, 2018-ci ildə nümayəndəlik Azərbaycan və Aİ-ni yaxınlaşdırmaq məqsədi daşıyan mədəniyyət tədbirləri və ictimai tədbirlər keçirməyi davam etdirəcək. -71D-
Mədəniyyət
-
Sənət mübadiləsi və mədəni diplomatiyanın bir bayramı olaraq, Bakıda Ambassador Cultural Club-da “Azərbaycanlı rəssamların gözü ilə Macarıstan” layihəsinin üçüncü mərhələsi çərçivəsində Macarıstanın ənənələrindən və mədəni irsindən ilhamlanan rəsm əsərlərinin sərgisi təqdim edilib. Azərbaycan Respublikasındakı Macarıstan səfirliyi və müstəqil incəsənət platforması «Arts Council Azerbaijan» tərəfindən təşkil olunan bu təşəbbüs iki ölkə arasında sənət və mədəniyyət sahəsində əlaqələrin dərinləşməsinə töhfə verir.
-
Ahmet Güneştekin İstanbul Bələdiyyəsi Feshane Mədəniyyət Mərkəzinin 8 min kvadratmetrlik qapalı salonlarında açılan “İtmiş Əlifba” fərdi sərgisindən bir neçə gün sonra Turan İnformasiya Agentliyinin suallarını cavablandırdı. İstanbulun bələdiyyə sədri Ekrem İmamoğlunun açdığı sərgi 20 iyula qədər açıq olacaq.
-
3 yanvar tarixində Bakıda, QGallery-də, gənc azərbaycanlı rəssam Samirə Allahverdiyevanın ilk fərdi sərgisi olan “Zamanın Salnaməsi”nin açılışı keçirildi. Onun karyerasında mühüm bir mərhələni qeyd edən bu sərgi, rəssamın doğum günü ilə üst-üstə düşərək tədbirə şəxsi bir rezonans qatdı.
-
Azərbaycan kinosunun çoxdan gözlənilən anı nəhayət gəlib çatdı. Yerli rejissorlar öz yeni əsərlərini təqdim edərək, animasiya, dram və uşaqlıq xəyalları ilə dolu bir qarışığı böyük ekranlara gətirdilər. Nurlan Həsənlinin Erkən Hisslər, Hacı Səfərovun Tərsinə Kölgələr və Məsud Pənahinin animasiya filmi Nərqız maraqla gözlənilən tamaşaçılar tərəfindən həm alqışla, həm də tənqidlə qarşılandı.
Rəy yaz