Bakı/16.04.19/Turan: Avropa İttifaqının Azərbaycandakı nümayəndəliyi mayın 1-dən 15-dək üçüncü "İmagine" tolerantlıq festivalını təşkil edir.
Birləşmiş Mədəniyyət Mərkəzinin icraçı direktoru Paolo Kosaqrande bildirib ki, festivalda 18 tərəfdaş ölkə iştirak edəcək.
"Festival çərçivəsində Azərbaycana doqquz xüsusi xarici qonaq gələcək. Üç konsert, fotosərgi, 5 ustad dərsi və debatlar olacaq, 30 film nümayiş etdiriləcək və digər tədbirlər olacaq.
Aİ Azərbaycan nümayəndəliyinin rəhbərinin birinci müavini Denis Daniilidis xüsusi qonaqları təqdim edərkən bildirib ki, builki festivalın fərqi odur ki, tədbir təkcə Bakıda yox, həm də Gəncədə keçiriləcək.
"Festival çərçivəsində fransız fotoqraf, hazırda Brüsseldə yaşayan və işləyən Nikol Landmardın Bakıda və Gəncədə fotosərgisi təşkil olunacaq. Fotosərgidə üç mövzu olacaq, bunlardan biri avropalı siyasətçilərdir. N.Landmard Aİ-nin rəsmi tədbirlərini çəkir və bu səbəbdən siyasətçilərin böyük arxivi var. O, sərgidə onların müxtəlif emosiyalarını təqdim edir", - D. Daniilidis deyib.
Sərgidə fotoqrafiyanın ikinci mövzusu Brüsseldə Aİ-nin rəsmi binalarının yerləşdiyi Avropa məhəlləsi olacaq.
Üçüncü mövzu Lion teatrıdır. Bu teatr ona görə unikaldır ki, truppa həmin şəhərdə yaşayan qaçqınlardan ibarətdir. N.Landmard həmin teartda çəkdiyi fotoları təqdim edəcək.
Festivalın digər qonağı hazırda Brüsseldə yaşayan çilili saksofonçu Marselo Monkado olacaq.
"Festival çərçivəsində Marselo Monkado Bakıda üç konsert verəcək. Bunlardan biri "İçərişəhər" metro stansiyasının içərisində olacaq. Metroda konsert mayın 1-də olacaq", - Daniilidis deyib.
Mətbuat konfransında çıxış edən Mədəniyyət Nazirliyinin Beynəlxalq Layihələr və İnnovasiyalar Departamentinin rəhbəri Ramil Abbakirov deyib ki, nazirlik belə formatlı tədbirləri hər zaman alqışlayır və belə tədbirin tərəfdaşı olduğundan məmnunluğunu bildirir.
"İş belə gətirib ki, bu il festival günlərində Bakıda beşinci mədəniyyətlərarası dialoq forumu keçiriləcək. Biz əcnəbi qonaqlara tolerantlıq festivalının müxtəlif tədbirlərində iştirak etməyi tövsiyə edəcəyik, - o deyib. -71D-
Mədəniyyət
-
Azərbaycanın zəngin mədəni irsi arasında teatr sənəti xüsusi yer tutur. Lakin bu irsin mühüm bir hissəsi olan bölgə teatrları uzun illər boyu paytaxt tamaşaçısından kənarda qalıb və tamaşaçı auditoriyası paytaxta nisbətən məhduddur. "Bölgə teatrlarının Bakı premyerası" layihəsi, bu boşluğu aradan qaldırmaq məqsədilə həyata keçirilərək, bölgə teatrlarını Bakı səhnəsinə daşımaqla həm yerli teatr sənətinə yeni nəfəs gətirir, həm də mədəniyyətlərarası dialoqu gücləndirir.
-
Tarix elmləri doktoru Cəmil Həsənlinin 2024-cü ilin son günündə “Təbriz-1946-cı il: Milli Hökumətin Zəfər və Faciəsi” kitabı çapdan çıxıb.
-
Kino həmişə həyatın mürəkkəbliyini əks etdirən bir güzgü olub və bəzən ən dərin həqiqətləri üzə çıxaran səssiz bir şahid rolunu oynayıb. 25 dekabrda Bakının Nizami Kino Mərkəzində hekayə anlatımı və yaradıcılığın möhtəşəm bir bayramı keçirildi. Azərbaycan Kino İttifaqının təşkil etdiyi bu tədbir, “Ağ qara hərflərin rəngli yuxuları” layihəsinin final mərhələsini qeyd etdi və Rövşən İsaxın rejissorluğu ilə hazırlanmış Məhkəmə adlı qısametrajlı bədii film nümayiş etdirildi. Bu gecə sadəcə bir film premyerası deyil, həm də öyrənmə və yaradıcı əməkdaşlıq yolunda böyük bir nailiyyətin təntənəsi idi.
-
Ekranın cazibəsi tez-tez aktrisaların, xüsusilə yaşlandıqca qarşılaşdıqları ifadə olunmayan mübarizələri gizlədir. Parlaq işıqların və alqışların arxasında, stereotiplərlə, cəmiyyətin təzyiqləri ilə və məhdud imkanlarla dolu bir reallıq dayanır. Bir çox aktrisa üçün zamanın keçməsi yalnız şəxsi kimliklərini deyil, həm də gənclik və ənənəvi gözəllik standartlarına fokuslanmış bir sənayedə peşəkar varlıqlarını təhdid edir.
Rəy yaz