113 gündür aclıq edən Fazil Qasımovun hərarəti 39 dərəcəyə yüksəlib
113 gündür aclıq edən Fazil Qasımovun hərarəti 39 dərəcəyə yüksəlib
113 gündür həbsdə aclıq edən iqtisadçı Fazil Qasımovun hərarəti dünəndən 39 dərəcə olaraq qalır. Bu barədə cümə günü yaxınları Penitensiar Xidmətin müalicə müəssisəsində ona baş çəkdikdən sonra Turan-a bildiriblər.
"Fazil hər an komaya düşə bilər. Artıq bir dəri, bir sümükdən ibarətdir. İmmuniteti zəifləyib. Dünəndən Fazilin temperaturu 39 dərəcədən aşağı düşmür.",- Qasımovun qohumu bildirib.
Oktyabrın 4-də vəkil Rövşanə Rəhimova da Qasımova baş çəkib. Onun sözlərinə görə, yüksək temperatur səbəbindən Qasımova əvvəlcə aspirin tövsiyə edilib. Sonra həkim Qasımov uzun müddət aclıq etdiyinə görə aspirinin məqsədəuyğun olmadığını etiraf edib və ona damcı yolunu tövsiyə edib, lakin Qasımov imtina edib.
Vəkilin sözlərinə görə, nəzarətçilər Qasımovun ailə üzvlərinə və vəkilə hər hansı qeydlər ötürməsinə icazə vermirlər. Bu həftə Qasımovun zəng etməsinə icazə verməyiblər və ailəsi ilə əlaqələrini məhdudlaşdırıblar.
Vəkil deyib ki, Qasımova təzyiqlə bağlı Ədliyyə Nazirliyinə və ombudsmana şikayət edəcək.
* Bakı 1 saylı İstintaq Təcridxanasının sanitar-tibb şöbəsində saxlanılan Fazil Qasımov aclıq etdiyinə görə vəziyyətinin kəskin pisləşməsi ilə əlaqədar iyulun 26-da Penitensiar Xidmətin sanatoriyasına köçürülüb.
O 8 avqust 2023-cü ildə İstanbulda həbs olunaraq Azərbaycana gətirilib. Azərbaycanda onu tanınmış iqtisadçı və hökumətin tənqidçilərindən biri Qubad İbadoğlu ilə birlikdə saxta pul hazırlamaqda ittiham ediblər. Lakin hazırda Fazil Qasımovun cinayət işinə Qubad İbadoğlunun cinayət işindən ayrı baxılır.
-
- Cəmiyyət
- 4 Oktyabr 2024 15:44
Siyasət
-
Gürcüstanda istintaq təcridxanasında aclıq aksiyası keçirən Azərbaycanın Azel.Tv saytının rəhbəri Əfqan Sadıqovun səhhətinin vəziyyəti gündən günə pisləşir. İki həftəlik aclıq aksiyası ərzində onun çəkisi 91 kq-dan 76 kq-dək azalıb. Bu barədə Turana onun həyat yoldaşı Sevinc Sadıqova jurnalistlə oktyabrın 4-də istintaq təcridxanasında görüşdükdən sonra bildirib Turan-a bildirib.
-
Oktyabrın 3-də Parisdə Fransa prezidenti Emmanuel Makron ilə Ermənistanın baş naziri Nikol Paşinyanın görüşü olub. Fransa prezidentinin mətbuat xidmətinin məlumatında deyilir ki, Makron Ermənistanın suverenliyinin və ərazi bütövlüyünün, həmçinin erməni xalqının sülh və demokratiya səylərinin dəstəklənməsində Fransanın əzmli olduğunu təsdiqləyib.
-
Avropa İttifaqının Ermənistandakı monitorinq missiyasının Rusiya və İrana qarşı kəşfiyyatla məşğul olması ilə bağlı Rusiya Federal Təhlükəsizlik Xidmətinin direktoru Bortnikovun şərhləri "Ermənistan qarşısındakı öhdəliklərin və verilən vədlərin dəfələrlə yerinə yetirilməməsini ört-basdır etməyə çalışan Rusiya rejiminə xas olan tamamilə cəfəngiyyat, yalan və manipulyasiyadır". Bu barədə Avropa İttifaqı Xarici Siyasət Xidmətinin nümayəndəsi Piter Stano Astanada MDB ölkələri təhlükəsizlik orqanları rəhbərlərinin toplantısında Bortnikovun bugünkü çıxışını şərh edərkən bildirib.
-
Nyu-Yorkda yerləşən Jurnalistləri Müdafiəsi Komitəsi Azərbaycanda 11 jurnalistin ilkin həbs müddətinin uzadılmasını pisləyir və ölkə hakimiyyətini noyabrda keçiriləcək COP29 iqlim konfransı ərəfəsində onları azad etməyə çağırır.
Rəy yaz