12 yanvar aksiyası ölkədə böyük dəyişikliklərin başlanğıcı olacaq
12 yanvar aksiyasında iştiraka görə cərimə edilmiş gənc fəallar cümə günü Media Mərkəzdə mətbuat konfransı keçiriblər.
AXCP Cəlilabad rayon təşkilatının sədri Təzaxan Mirələmli bildirib ki, cərimə ödəmək niyyətində deyil, belə ki, o, yalnız vətəndaş mövqeyini ifadə edib və cəzalandırılacaq əməl törətməyib.
Bloger Emin Milli 12 yanvar aksiyasını Azərbaycan tarixinə düşəcək hadisə kimi qiymətləndirib. “Bu aksiya dönüş nöqtəsi oldu. Bütün böyük çevrilişlər kiçik kampaniyalardan başlayıb”, deyə o bildirib.
Gənc fəalların vəkili Əsabəli Mustafayev bildirib ki, cərimə olunanların işləri Apellyasiya Məhkəməsinə göndəriləcək. “Bu aksiyada hakimiyyət insanların aksiyalarda iştirakının qarşısını almaq üçün yeni qanunu sınamaq istəyib. Buna baxmayaraq, aksiya kütləvi keçdi. 25 iştirakçı böyük məbləğdə cərimə olundu və Apellyasiya Məhkəməsi bu cərimələri qüvvədə saxlasa ali məhkəmə instansiyasına şikayət verəcəyik”, deyə vəkil bildirib.
“Müsbət Dəyişiklik” təşkilatının rəhbəri Nərmin Rəhimli bildirib ki, 481 nəfərin ianə etməsi nəticəsində vəsait 6135 manat toplanıb. Burada həm fərdi, həm də kollektiv ianələr var. Onlar arasında qəzet, ticarət mərkəzi, universitet kollektivləri var. “5 qəpik” kampaniyasına Almaniyada, Türkiyədə, Rusiyada, Kanadada və digər ölkələrdə yaşayan gənclər də qoşulub.
Məlum olduğu kimi, 12 yanvar aksiyasında iştiraka görə 25 nəfər 300-600 manat məbləğində cərimə olunub. Cərimələrin ümumi məbləği 10 500 manat təşkil edir. -26D04-
-
- Siyasət
- 18 Yanvar 2013 17:36
-
- İqtisadiyyat
- 18 Yanvar 2013 18:13
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz