Vergi işçiləri Kinematoqrafçılar İttifaqının sənədlərini müsadirə edir
Bu gün günün ikinci yarısında vergi orqanlarının 10-a yaxın əməkdaşı Hökumət Evində yerləşən Kinematoqrafçılar İttifaqına gəliblər və sənədləri müsadirə etməyə başlayıblar. Bu barədə Turan agentliyinə Kİ sədri, kinodramaturq Rüstəm İbrahimbəyov bildirib.
“Onlar sənədlərin guya vergi ödənişindən yayınma haqqında açılmış cinayət işi çərçivəsində müsadirə edildiyini deyiblər. Həmçinin sənədlərin orijinalı lazım olduğunu bildiriblər və bizim əməkdaşların sənədlərin surətini çıxarmasına imkan verməyiblər”, deyə İbrahimbəyov bildirib.
Vergi işçilərinin tələblərinin nə dərəcədə əsaslı olması barədə suala cavabda dramaturq bildirib ki, baş verənləri güc nümayişi kimi dəyərləndirir.
“Zənnimcə, bu, Milli Şuranın yaradılması və demokratik ictimaiyyətin prezident seçkilərində vahid namizəd irəli sürməsi və onun mütləq qələbəsi haqqında danışdığım son müsahibəmlə bağlıdır”, deyə dramaturq qeyd edib.
Kinematoqrafçılar İttifaqının katibi Rasim Balayev 17.30-da Turan-ın müxbirinə bildirib ki, sənədlərin müsadirəsi davam edir. “Onlar təhvil-təslim sənədləri ilə maraqlanırlar. Bizə heç nə demirlər. Yoxlamanın nə vaxt başa çatacağını da bilmirik”, deyə məşhur aktyor bildirib.
Müşahidəçilər hesab edirlər ki, hakimiyyət sənədlərin müsadirəsi ilə yeni “kriminal” axtarır və Azərbaycanda hakim rejimin bütün rəqiblərini birləşdirmək iqtidarında olan real siyasi qüvvəyə çevrilmiş İbrahimbəyovun ictimai-siyasi fəaliyyətinin qarşısını almaq üçün bundan istifadə etməyə çalışacaqlar. -02В-
-
- Siyasət
- 18 Yanvar 2013 17:45
Siyasət
-
Azərbaycan bu həftə Fransada keçirilən Fransızofoniya Sammitindən sonra Ermənistana təxribatçı hərəkətlərdən çəkinməyə və ya normallaşma prosesini tamamlamaq, ya da qarşıdurma yolunu seçmək arasında qərar verməyə çağırıb.
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
Rəy yaz