19 oktyabr mitinqi ərəfəsində 100-ə yaxın fəal saxlanılıb və həbs edilib - AXCP
Bakı/20.10.19/Turan: Müxalifətin 19 oktyabr mitinqindən əvvəlki günlərdə təxminən 94 fəal inzibati qaydada və cinayət ittihamı ilə həbs edilib, bu barədə bazar günü Azərbaycan Xalq Cəbhəsi Partiyası məlumat yayıb.
11 AXCP fəalı, o cümlədən məşhur xadimlər Seymur Həzi, İlham Hüseyn və Emil Səlim inzibati qaydada 15 gündən 60 günə qədər həbs edilib.
19 oktyabr mitinqinin keçirildiyi zaman hələ oktyabrın 8-də saxlanılmış daha üç nəfər inzibati həbs cəzası çəkirdi.
Bundan başqa, AXCP fəalı Paşa Ümidova CM-in 234.2-ci (qanunsuz narkotik dövriyyəsi) maddəsi ilə cinayət ittihamı irəli sürülüb.
Digər fəallar qısa müddətlik saxlanılıb və onlara mitinqdə iştirakın yolverilməz olduğu barədə xəbərdarlıq edilib.
19 oktyabr mitinqində iştiraka görə saxlanılanların və həbs edilənlərin siyahısı dəqiqləşdirilir.
Həbs edilənlər arasında Demokratik Qüvvələrin Milli Şurasının Koordinasiya Mərkəzinin üzvü Tofiq Yaqublunun da olduğu məlumdur. O, 30 gün müddətinə həbs edilib. Yoldaşları onun da AXCP lideri Əli Kərimli kimi fiziki zorakılığa məruz qoyulduğundan ehtiyatlanırlar. -02D-
-
- Foto sessiyalar
- 20 Oktyabr 2019 19:44
-
- Cəmiyyət
- 21 Oktyabr 2019 11:13
Siyasət
-
Mayın 19-da İran prezidenti Xudafərin və Qızqalası su elektrik layihələrinin işə salınması mərasimindən qayıdarkən, onun helikopteri Şərqi Azərbaycan vilayətinə sərt eniş edib.
-
Mayın 19-da iki ölkə prezidentləri İbrahim Rəisi və İlham Əliyevin iştirakı ilə İran-Azərbaycan sərhədində Araz çayı üzərində yerləşən “Xudafərin” və “Qızqalası” su elektrik komplekslərinin açılış mərasimi keçirilib.
-
Amerikalı senator Marko Rubio Azərbaycanda müxalif siyasətçi və iqtisadçı Qubad İbadoğluna qarşı cinayət işinin tam xitam verilməsinə çağırıb. Bu barədə senator X sosial platformasında yazıb. Rubio bildirib ki, İbadoğlunun işi bir daha “dünyada azadlıq və firavanlıq üçün cəsarətlə mübarizə aparan insanların üzləşdiyi mənasız təqibləri” xatırladır.
-
Gürcüstan prezidenti Salome Zurabişvili parlamentin qəbul etdiyi xarici agentlər haqqında qanun layihəsinə veto qoyub. O, bu barədə mayın 18-də iqamətgahında keçirdiyi brifinqdə məlumat verib.
Rəy yaz