İlham Əliyev dekabrın 15-də Nərimanov adına NQÇİ-də estakadanın uçması nəticəsində həlak olmuş 10 neftçinin ailəsinə kompensasiya verilməsi haqqında sərəncam imzalayıb.
Sənəddə kompensasiyanın məbləği göstərilməyib.
Dövlət Neft Şirkətinə hadisə nəticəsində “Azneft” İstehsalat Birliyinin N.Nərimanov adına Neft-Qaz Çıxarma İdarəsinin 3 saylı neft yığım məntəqəsinə dəymiş zərəri və məntəqənin yararlılıq vəziyyətini müəyyənləşdirmək tapşırılıb.
Həmçinin, Dövlət Neft Şirkəti tabeliyində olan müəssisələrdə obyektlərin və qurğuların texniki təhlükəsizlik norma və qaydalarının tələblərinə uyğun istismar edilməsi və onların təhlükəsiz istismarı müddətlərinə riayət olunması vəziyyətini araşdırmaq və aşkar edilmiş nöqsanları aradan qaldırmaq öhdəliyi daşıyır.
Prezident Baş Prokurorluğa hadisəni dərhal araşdırmağı tövsiyə edib.
Qeyd edək ki, artıq uzun illərdir hər kəs dəniz infrastrukturunun əksər hissəsinin bərbad vəziyyətdə olduğunu deyir. Amma hakimiyyət və SOCAR rəhbərliyi heç vaxt bu xəbərdarlıqlara reaksiya verməyib.
Nəticədə, son illər həlak olan neftçilərin sayı 50-yə çatıb. -71D-
Siyasət
-
Azərbaycan hökumətindəki mənbələr cümə axşamı Euronews-a çərşənbə günü AZAL-ın təyyarəsinin Aktauda qəzaya uğramasına Rusiyanın "yer-hava" tipli raketin səbəb olduğunu eksklüziv olaraq təsdiq ediblər.
-
Avropa Şurasının baş katibi Alen Berse "Azərbaycan Hava Yolları"nın təyyarəsinin Qazaxıstanda çox sayda insanın həlak olmasına səbəb olan faciəvi qəzası ilə əlaqədar başsağlığı verib və dərin kədərini ifadə edib.
-
Aktauda təyyarəmizin qəzaya uğraması bir neçə suala cavab tələb edir: 1. Bu qəzada həlak olanların çoxları əvvəllər qatar və ya avtonəqliyyat vasitəsi ilə Şimali Qafqaza gedən şəxslərdir. Azərbaycan illərdir quru sərhədlərini bağlı saxlamasaydı, bu qurbanlar olmaya bilərdi.
-
NATO "Azərbaycan Hava Yolları"na məxsus sərnişin təyyarəsinin Qazaxıstanın Aktau şəhəri yaxınlığında qəzaya uğraması ilə əlaqədar başsağlığı verib. Bu barədə Alyansın mətbuat katibi Fərəh Daxlallah "X" hesabında paylaşım edib.
Rəy yaz