Çərşənbə axşamı prezident İlham Əliyev 90 saylı Ağdaş seçki dairəsi üzrə Milli Məclisə təkrar seçkilərin keçirilməsi barədə sərəncam imzalayıb. Səsvermə iyunun 18-nə təyin edilib.
MSK həmin dairədə “ciddi pozuntuların” aşkar edilməsi ilə əlaqədar 1 noyabr 2015-ci il parlament seçkilərinin nəticələrini ləğv etdikdən sonra sözügedən dairə üzrə deputat yeri vakant qalırdı. Beləiklə, səsvermənin ilkin yekunları üzrə liderlik edən parlamentin əvvəlki çağırış deputatı “AGBank” ASC-nin rəhbəri, bitərəf Çingiz Əsədullayev Milli Məclisə düşə bilməyib.
Müşahidəçilər seçkilərin nəticələrinin ləğvinin səbəblərini Ç.Əsədullayevin keçmiş MTN rəhbəri Eldar Mahmudova yaxın olması ilə izah ediblər.
Lakin Ç.Əsədullayev özü MTN rəhbəri ilə qohumluq və dostluq əlaqələrinin olmasını inkar edib.
Maraqlıdır ki, onlarla digər dairə üzrə müxalifətçi və müstəqil namizədlər seçki zamanı kütləvi pozuntularla bağlı sübut təqdim etsələr də səsvermənin nəticələri ləğv olunmayıb.—06D--
Siyasət
-
Bu gün Bayraq Meydanında Azərbaycanın dövlət bayrağı qaldırılıb.
-
"44 günlük Vətən müharibəsi bizim şanlı tariximizdir, parlaq Qələbəmizdir. Biz həm Birinci Qarabağ müharibəsinin, həm İkinci Qarabağ müharibəsinin, eləcə də antiterror əməliyyatının şəhidlərinin qanını döyüş meydanında aldıq, öz ərazi bütövlüyümüzü, suverenliyimizi bərpa etdik". Bu barədə noyabrın 8-də dövlət başçısı İlham Əliyev Bakıda Zəfər Parkının açılış mərasimində bildirib.
-
Azərbaycan Talışları İctimai Şurasının (ATİŞ) üzvü, ehtiyatda olan polkovnik Mikayıl Hacıyev noyabrın 7-də Bakıdan Yekaterinburqa gedə bilməyib. Bu barədə Turan Agentliyinə o özü bildirib.
-
Noyabrın 7-də Bakının Xətai Rayon Məhkəməsində Abzas Media nəşrinin direktoru Ülvi Həsənlinin ev dustaqlığına keçirilməsi haqqında vəsatətə baxılıb. Dinləmələr iş günündən sonra, saat 19.15-də keçirilib, bu barədə vəkil Zibeydə Sadıqova bildirib. Bu, Həsənlinin prosesdə onlayn iştirak etməkdən imtina etməsi və prosesdə iştirak etməkdə israr etməsi səbəbindən baş verib.
Rəy yaz