ABŞ Almaniyada ukraynalı qoşunlara təlim keçir

Vaşinqton/30.04.22/Turan: Almaniyadakı Amerika hərbi qulluqçuları Ukraynanın Rusiyanın müdaxiləsindən müdafiəsi üçün ukraynalı əsgərlərə müxtəlif növ silah və sistemlərdən istifadə üzrə təlim keçməyə başlayıblar, cümə günə Pentaqonun mətbuat katibi Con Kirbi jurnalistlərə bildirib.

“Bu, Ukrayna qüvvələrinin artıq keçdiyi artilleriya təlimləri, həmçinin radiolokasiya sistemləri və zirehli texnikanın tətbiqi üzrə təlimlərdir”, - Kirbi bildirib.

ABŞ beşgünlük kurs çərçivəsində daha 100 ukraynalıya Avropada artilleriya sistemlərinin idarə edilməsi üzrə təlim keçəcək.

Daha 15 ukraynalı isə bir həftəyə yaxındır ki,  radarlardan istifadə üzrə təlim keçir, bundan sonra öz xidmət yoldaşlarını öyrətmək üçün Ukraynaya qayıdacaqlar.

ABŞ Ukrayna hərbçilərinə təlim keçən yeganə ölkə deyil. Kanadanın müdafiə naziri Anita Anand da bildirib ki, Kanada hərbçiləri ukraynalılara Avropada M-777 haubitsasının idarə edilməsi üzrə təlim keçir.

Ukraynanın yeni sistemlər üzrə aldığı təlimlərin əsas hissəsini Florida qvardiyaçıları keçirəcək.

Kirbi Rusiyanın nüvə silahı ilə hədələməsilə bağlı sualın cavabında deyib ki, ABŞ Rusiyanın nüvə hazırlığını daim izləyir və qarşısını almaq üçün tədbirlər görür.-0-