ABŞ Azərbaycan və Ermənistan arasında əlaqələri dəstəkləyir

Bazar ertəsi Birləşmiş Ştatlar sülh müqaviləsinin bağlanması üçün Azərbaycan və Ermənistan arasında əlaqələri dəstəklədiyini təsdiq edib. 

"Biz Azərbaycan və Ermənistan arasında qarşılıqlı əlaqələri dəstəkləməyə və bu mübahisənin həlli üzərində işləməyə davam edirik", deyə Dövlət Departamentinin nümayəndəsi Metyu Miller bazar ertəsi keçirilən brifinqdə Turan-ın müxbirinin dövlət katibi Entoni Blinken və Azərbaycan prezidenti İlham Əliyev arasında sonuncu telefon danışığı haqqında sualına cavabda bildirib. 

"Mən özəl diplomatik danışıqların təfərrüatına varmaq niyyətində deyiləm", deyə Miller söhbətin məzmunu haqqında suala cavabda bildirib. 

Dövlət Departamentinin məlumatına görə, Blinken Əliyevlə ötən cümə günü danışıb və sazişin "təxirə salınmadan" bağlanmasının vacibliyini qeyd edib.

O, həmçinin Azərbaycanı ədalətsiz olaraq saxlanılanların hamısını "təcili şəkildə" azad etməyə çağırıb.