ABŞ Azərbaycan və Ermənistanın sülh  səylərini dəstəkləyir

"Amerika Birləşmiş Ştatları Azərbaycan və Ermənistanın sərhədlərin delimitasiyası ilə bağlı prosedur qaydaları formalaşdırılmaq qərarını alqışlayır". Bu barədə cümə axşamı ABŞ Dövlət Departamentinin nümayəndəsi Metyu Miller X platformasındakı hesabında yazıb.

Onun sözlərinə görə, Azərbaycan və Ermənistan arasında sərhədin delimitasiyasının prosedur qaydalarının formalaşdırılması göstərir ki, dialoq yolu ilə irəliləyiş mümkündür.

"Amerika Birləşmiş Ştatları hər iki tərəfin regionda təhlükəsizlik və çiçəklənmə naminə davamlı, layiqli  sülh əldə etmək səylərini dəstəkləyir", - Miller deyib.

25 oktyabr 2024-cü ildə Azərbaycan prezidenti İlham Əliyev və Ermənistan prezidenti Vaqn Xaçaturyan "Azərbaycan Respublikası və Ermənistan Respublikası arasında dövlət sərhədinin delimitasiyası üzrə Dövlət Komissiyasının və Ermənistan Respublikası ilə Azərbaycan Respublikası arasında dövlət sərhədinin delimitasiyası və sərhəd təhlükəsizliyi Komissiyasının birgə fəaliyyəti haqqında əsasnamə"ni ayrı-ayrılıqda  imzalayıblar.  Ermənistan Respublikası və Azərbaycan Respublikası arasında dövlət sərhədinin təhlükəsizliyi Komissiyanın birgə fəaliyyəti haqqında əsasnamə ilə təsdiqlənib.

Sənədin Azərbaycan və Ermənistanda təsdiqlənməsi Azərbaycan prezidenti İlham Əliyevin və Ermənistanın baş naziri Nikol Paşinyanın oktyabrın 24-də Kazanda görüşü ilə üst-üstə düşür.

Görüşün sonunda prezident İlham əliyev bildirib ki, həmsöhbətlər  ikitərəfli sülh gündəliyinin, o cümlədən sülh sazişi, sərhədin delimitasiyası və demarkasiyasının təşviqi, həmçinin qarşılıqlı maraq doğuran digər məsələləri müzakirə ediblər.