![ABŞ Bakı və Yerevanı gərginliyin qarşısını almağa çağırır](https://turan.az/resized/news/2024/wuxfnAlhEZI8dDTLXvCOkYHD3kbFpji5FCo1idxZ-750-500-resize.webp)
ABŞ Bakı və Yerevanı gərginliyin qarşısını almağa çağırır
ABŞ Bakı və Yerevanı gərginliyin qarşısını almağa çağırır
Birləşmiş Ştatlar hesab edir ki, Ermənistan və Azərbaycan arasında dayanıqlı sülhü təmin etməyin yeganə yolu danışıqlar masası arxasındadır.
Bazar ertəsi Dövlət Departamentinin mətbuat katibi Metyu Miller Azərbaycanın Ermənistan qoşunlarının sərhəd yaxınlığında cəmləşdiyi haqqında bəyanatına münasibət bildirib.
O deyib ki, Avropa İttifaqının sərhəddəki monitorinq missiyası bunu təkzib edib.
"Biz Azərbaycan hökumətinin bəyanatını gördük və qeyd etmək istərdim ki, dünən Aİ-nin müşahidə missiyası Ermənistan-Azərbaycan sərhədinin stabil və sakit olduğunu, xüsusi bir qoşun və ya artilleriya hərəkətinin müşahidə olunmadığını bildirib", deyə Miller brifinqdə Turan-ın suallarına cavabda deyib.
"Biz sərt çagırışlardan və sərhəd boyunca hərbi əməliyyatlardan çəkinməyə çağırırıq", deyə o, əlavə edib.
Dövlət katibi Blinkenin Ermənistan rəhbərliyi ilə gözlənilən görüşünü nəzərə alaraq, Vaşinqtonun potensial gərginliyin qarşısını almaq üçün Azərbaycana müraciət etmək niyyəti varmı? Bu suala cavabda Miller belə deyib: "Biz həm Ermənistana, həm də Azərbaycana gərginliyin heç kimin marağına uyğun olmadığını başa salmağa davam edəcəyik".
Bu həftə Brüsseldə keçiriləcək görüşə gəlincə, Miller təkrar edib ki, söhbət Ermənistanda islahatlardan, demokratiya, iqtisadiyyat və sabitlikdən gedir.
"Sülh prosesi bu görüşdə diqqət mərkəzində olmayacaq; bu, ABŞ, Aİ və Ermənistan arasında Ermənistan iqtisadiyyatının şaxələnməsi, humanitar yardım, qaçqınlara dəstək və demokratiya və qanunun aliliyi kimi sahələrdə siyasi islahatlara dəstəyin müzakirəsi üçün keçirilən görüşdür. Bu, regional görüş deyil", deyə o qeyd edib.
-
- Cəmiyyət
- 2 Aprel 2024 10:07
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz