ABŞ Dövlət Departamenti Azərbaycanda terrorizmə qarşı mübarizə haqqında

 ABŞ Dövlət Departamenti   2012-ci ildə dünyada terrorçuluq və ona qarşı mübarizənin vəizyyətinə dair illik ənənəvi hesabatını açıqlayıb.

Mayın 30-da  açıqlanan bu  hesabatda  terror və onunla mübarizənin vəziyyəti ayrı-ayrı ölkələr üzrə təhlil edilir.

Hesabatın Azərbaycana dair hissəsində qeyd edilir ki, Azərbaycan Qafqaz vasitəsilə trafikinq, çirkli pulların yuyulması və qaçaqmalla məşğul olan terror təşkilatları ilə fəal mübarizə aparır. Ölkə özünün antiterror səylərini həmişə gücləndirib, terror əməliyyatçılarının və onların fəaliyyətinin azaldılmasında müəyyən nəaliyyətlər əldə edib.

Hesabatın  hüquq-mühafizə və sərhəd təhlükəsizliyi və qanunvericilik  hissəsində qeyd olunub ki, keçən ilin yanvarın 19-da Azərbaycan  MTN- Bakıda yəhudi məktəbinin iki ravvinini  öldürməyi planlaşdırılan iki Azərbaycan vətəndaşını həbs edib. Eyni zamanda İranda  yaşayan üçüncü şəxsin axtarışı ilə məşğul olub. 

Hakimiyyət orqanları bu şəxslərə aid silah və pulların İranın xüsusi kəşfiyyat orqanlarına bağlılığı sübut olunduğunu  deyiblər.

Martda  Azərbaycan Milli Təhlükəsizliyi Nazirliyi   bildirib ki, 22 Azərbaycan vətəndaşı həbs edilib. Onlar  Qərb səfirliklərinə  qarşı  terror aktlarının hazırlanması üçün İranın İslam Keşikçiləri Korpusu ilə işləyiblər.

Aprelin 6-da  həmçinin  Milli Təhlükəsizliyi Nazirliyi Gəncədə zorakı ekstremist qrupun olduğu güman edilən reyd keçirib. Bu zaman  baş vermiş atışma zamanı  hüquq-mühafizə orqanlarının bir əməkdaşı və yaraqlı həlak olub. Ölkə boyunca keçirilən reydin bir hissəsi olan bu əməliyyat zamanı 17 nəfər həbs olunub və silah-sursat, əl qumbaraları, kommunikasiya avadanlıqları müsadirə olunub.

Orada yaranmış qarşıdurma və atışma zamanı yaraqlılardan biri və hüquq-mühafizə orqanlarının bir əməkdaşı həlak olub.

  Əslində bütün ölkə boyunca keçirilən reydin bir hissəsi olan bu əməliyyat zamanı 17 nəfər həbs olunub və çox sayda silah-sursat, əl qumbaraları, uzaqdan idarə edilən partladıcı qurğular və kommunikasiya avadanlıqları müsadirə olunub.

May ayında  Azərbaycanın xüsusi xidmət  orqanları  “Eurovision” yarışması zamanı terrorçu basqınlar hazırlayan 40 nəfəri həbs ediblər. 

Ölkə 15 qanun və 4 məcəllə qəbul edib, qanunvericiliyin 100-dən çox maddəsinə düzəliş edib.

Hesabatın radikalaşma və zorakı ekstremizmə qarşı  mübarizə hissəsində  qeyd olunub ki, Azərbaycan hakimiyyəti  televiziya yayımı daxil edilməklə metro stansiyalarında dini ədəbiyyatın yayılmasını məhdudlaşdırır. Dini ibadət və mərasimlərin yalnız Azərbaycanda treninq keçmiş və rəsmi icazəsi olan imamlar tərəfindən keçirilməsinə imkan verilir.

Yekun olaraq qeyd edilir ki, tənqidçilərin fikrinə görə, hökümətin tətbiq etdiyi qadağalar ekstremizmin güclənməsinə gətirir, çünki dindarlar qeyri-leqal vəziyyətdə fəaliyyət göstərməyə sövq edilir. -16D-