ABŞ Dövlət Departamentinin nümayəndəsi: “Rusiyanın qonşuları "oyaq yatırlar"

Çərşənbə axşamı Dövlət Departamentinin yüksək vəzifəli məmuru Ukraynaya hücumdan sonra Rusiyanın öz qonşuları üçün yaratdığı təhlükəni xatırladıb.

"Putin qonşusuna amansız və əsassız hücum edən rejimi idarə edir və Rusiyanın bütün qonşuları indi oyaq yatırlar", - dövlət katibinin köməkçisinin birinci müavini Yuri Kim brifinq zamanı jurnalistlərə bildirib, Turan-ın Vaşinqton müxbiri məlumat verib.

"Bu, Ermənistandan Qırğızıstana qədər hər yerdə görünür", - o əlavə edib.

Putinin "Polşaya və ya Litvaya getmək niyyətində olmaması"na dair bu yaxınlardakı bəyanatını şərh edən Kim qeyd edib ki,  Putinin Ukraynaya münasibətdə də eyni şeyi söyləmişdi, ancaq bu, baş verdi.

Turan-ın “Rusiya qoşunları Avdeyevka şəhərini tutduqdan sonra hansı nəticəyə gəlmək olar?” sualının cavabında  Kim deyib ki, Putin bunun məntəqənin əhəmiyyətini şişirdəcək. Ancaq vəziyyətə daha geniş şəkildə baxmaq lazımdır. "Müharibənin iki ili ərzində ukraynalılar Rusiyanın birinci mərhələdə zəbt etdiyi ərazinin 50 faizindən çoxunu geri qaytara biliblər. Ukraynalılar Qara Dəniz donanmasını da sıxışdırdılar ki, bu da Moskva üçün alçaldıcı idi.

Bu gün Rusiya dünya iqtisadiyyatından qoparılıb və hazırda Ukraynaya qarşı müharibəni davam etdirmək üçün əsas ticarət tərəfdaşları və silah tədarükçüləri kimi Şimali Koreya və İrana arxalanır.

Qərbdən Ukraynaya dəstəyə gəlincə,  Kim "qətiyyətli və dəqiq hərəkətlərin zəruri olması” barədə Bayden administrasiyasının mövqeyini təsdiqləyib.

"Biz ayrı-ayrı ölkələrin azadlığını qorumaq üçün fəallaşmalıyıq və Rusiya kimi ölkələr, Putin kimi tiranlar dinc əhalini öldürüb zorlayanda tədbir görməliyik. Hər bir ölkə bunu anlamalıdır və elə düşünməməlidir ki, bu, onun öz milli maraqlarına toxunmur”, - o deyib.