ABŞ Ermənistan və Azərbaycanı "problemləri birbaşa regionun xeyrinə müzakirə və həll etməyə" çağırır

Vaşinqton/21.11.23/Turan: Bazar ertəsi Birləşmiş Ştatlar bəyan edib ki, “əvvəllər olduğu kimi”, Azərbaycan və Ermənistan arasında sülh danışıqlarının növbəti raunduna kömək etməyə hazırdır, Dövlət Departamentinin nümayəndəsi deyib.

"Ermənistan və Azərbaycanın problemləri birbaşa regionun xeyrinə müzakirə edib həll etməsi vacibdir", - gündəlik brifinqdə mətbuat katibi Metyü Miller Turan-ın suallarını cavablandırarkən deyib.

Millerin şərhləri Azərbaycan noyabrın 20-də Vaşinqtonda keçirilməsi  təklif olunan görüşdə iştirakdan imtina etdikdən sonra səslənib.

Əsasən Bakı ötən həftə səfir Ceyms O'Brayenin Nümayəndələr Palatasının Xarici İşlər Komitəsində verdiyi şərhlərə etiraz edib.

O bildirib ki, "Bakı və Yerevan arasında sülh sazişi bağlanana qədər"  "Vaşinqtonla Azərbaycanın arasında “adi münasibətlər” ola bilməz.

"Biz hər iki ölkənin rəhbərliyilə ünsiyyəti davam etdiririk və hamının hüquqlarına əməl olunduğu layiqli və davamlı sülhün bərqərar olmasını təklif edirik. Biz davamlı razılığa gəlmək üçün iki ölkənin üz-üzə danışmasını vacib hesab edirik", - Miller Turan-ın müxbirinin təkrar sualına cavabında bildirib.

Bu arada, dövlət katibinin köməkçisi O'Brayen dünən Ermənistanın ABŞ-dakı səfiri Lilit Makunts ilə görüşüb. -0-