![ABŞ: Gürcüstan Qərb cameəsində qalmaq istəyirsə, "qaydalara uyğun oynamalıdır"](https://turan.az/resized/news/2024/pIeNprWYSQYH9V7qK5qJDeqer6Y4ueWNapxktMdE-750-500-resize.webp)
ABŞ: Gürcüstan Qərb cameəsində qalmaq istəyirsə, "qaydalara uyğun oynamalıdır"
ABŞ: Gürcüstan Qərb cameəsində qalmaq istəyirsə, "qaydalara uyğun oynamalıdır"
Cümə günü amerikalı baş diplomat, Avropa və Avrasiyaya məsul Ceyms O'Brayen Gürcüstanı Qərb cameəsinə qoşulmağa ümid etdiyi halda, "qaydalara uyğun oynamağa" çağırıb, Turan-ın Vaşinqton müxbiri bildirib.
"Əgər futbol matçına qoşulmaq istədiyinizi deyirsinizsə, bizim komandada 15 nəfər, sizin komandada isə 7 nəfərin olacağını söyləyə bilməzsiniz", - o, Vaşinqtonda telekonfrans zamanı deyib.
O'Brayenin bəyanatı dövlət katibi Blinkenin ABŞ-ın "Gürcüstanda demokratiyanın pozulmasına cavabdeh olan gürcü məmurlara və onların ailə üzvlərinə səyahət qadağaları tətbiq edəcəyini elan etməsindən bir gün sonra səslənib. Buraya vətəndaş cəmiyyətinin sıxışdırılması və dinc toplaşma azadlığının məhdudlaşdırılması daxildir."
Blinkenin bəyanatında ad çəkilməsə də, ABŞ-ın ABŞ-Gürcüstan əməkdaşlığını yenidən ciddi şəkildə nəzərdən keçirməyə hazır olduğu aydındır.
"Əlavə hərəkətlərimizə gəlincə", - O'Brayen izah edib, "Biz adların siyahısını dərc etmirik, lakin hansı hərəkətlərin bizdə xüsusi narahatlıq doğurduğunu açıq şəkildə bildiririk - bu, demokratik prosesləri pozmaq səyləri və əsasən öz fikrini ifadə edənlərə qarşı zorakılıq və hədə - qorxu tətbiqidir".
O'Brayen xatırladıb ki, viza məhdudiyyətləri təkcə məmurlara yox, onların ailə üzvlərinə də şamil ediləcək. Əsasən onların ABŞ-da yaşayan və oxuyan uşaqlarına.
Vaşinqtonun bu xəbərdarlıqlarına Tbilisinin reaksiyası ilə bağlı Turan-ın sualının cavabında O'Brayen deyib: “Təəssüf ki, vətəndaş cəmiyyətinə və müxalifətçi siyasətçilərə qarşı zorakılıq və təhdidlər, Gürcüstan xalqının Avropa və transatlantik dəyərlərə can atmaq səylərini əngəlləyən qanun sual doğurur: indiki rəhbərlik bunda maraqlıdırmı? Ümid edirik ki, onlar başa düşəcəklər ki, onların xalqı Avropa və NATO yoluyla getmək istəyir”.
-
- Maliyyə
- 25 May 2024 10:29
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz