![Açiq mənbələrdən foto.](https://turan.az/resized/media/2023/main/101100067856-750-500-resize.webp)
Açiq mənbələrdən foto.
ABŞ İsrail və HƏMAS arasındakı münaqişədən "istifadə etməyi" düşünənlərə xəbərdarlıq edir
Vaşinqton/11.10.23/Turan: ABŞ İsrailin HƏMAS-ın İsrailə terror hücumundan "istifadə etməyə" çalışan düşmənlərinə xəbərdarlıq edib.
"... Bu vəziyyətdən istifadə etmək istəyən istənilən ölkəyə, istənilən təşkilata, istənilən şəxsə yalnız bunu deyirəm ki, lazım deyil!". Bu sözləri çərşənbə axşamı prezident Co Bayden deyib, xəbəri Turan-ın Vaşinqtondakı müxbiri verib.
Ağ Ev həmçinin bütün ölkələri HƏMAS-ın İŞİD-in vəhşilikləri ilə oxşar olan vəhşiliklərini qeyd-şərtsiz qınamağa çağırıb.
Böyük bir sual cavabsız qalır: İran və Rusiya kimi HƏMAS-la sıx əlaqələri olan ölkələr bu hadisələrə nə dərəcədə cəlb olunub və 7 oktyabr hücumu niyə İsrail özü də daxil olmaqla, Qərbdə hamını təəccübləndirib.
"Düşünürəm ki, vaxt gələcək və kəşfiyyat bu suallara cavab verəcək", deyə Dövlət Departamentinin rəsmi nümayəndəsi Metyu Miller çərşənbə axşamı keçirilən brifinqdə bildirib.
O, İsrail hökumətinin bununla ciddi şəkildə məşğul olduğuna əminliyini bildirib. ABŞ bunu səmərəli etmək üçün lazım olan köməyi göstərəcək, deyə Miller əlavə edib.
Rusiyanın bu hadisələrlə əlaqəsi haqqında suala cavabda Miller deyib ki, hazırda onda belə bir məlumat yoxdur.
İrana gəlincə, Miller qeyd edib ki, Tehran HƏMAS-ın İsrailə qarşı əməliyyat planlaşdırdığını "yəqin ki, bilirdi".
"İran çoxdan HƏMAS-ı maddi və maliyyə cəhətdən dəstəkləyir, lakin hələlik biz onların hazırkı hücumu dəstəkləməsinin və ya onun arxasında dayanmasının dəlilini görmürük", deyə o bildirib.
Yaxın həftələrdə əlavə kəşfiyyat məlumatları tədqiq ediləcək, onlar bu hadisələrdə İran izi olub-olmadığını müəyyən etməyə imkan verəcək.
Bununla belə, Bayden Administrasiyası artan təzyiqlə, Tehrana qarşı tədbirlər görmək və əsirlərin mübadiləsi sövdələşməsi çərçivəsində Tehrana verilən 6 milyard dolları yenidən dondurmaq tələbi ilə üzləşir.
Turan-ın Vaşinqtonun İranla bağlı kursu sərtləşdirmək mümkünlüyünü nəzərdən keçirib-keçirmədiyi haqqında sualına cavabda Miller belə deyib: "... ABŞ-ın hazırkı administrasiyası regionda münaqişənin və qeyri-sabitliyin dərinləşdirilməsinə görə İrana qarşı 400-dən çox sanksiya tətbiq edib və biz buna görə onları məsuliyyətə cəlb etməyə davam edəcəyik". 0
-
- Enerji
- 11 Oktyabr 2023 10:55
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz