![Açiq mənbələrdən foto.](https://turan.az/resized/media/2023/main/101100067855-750-500-resize.webp)
Açiq mənbələrdən foto.
Səfir Bono Bakıda və Yerevanda danışıqlar apardıqdan sonra Parisə və Brüsselə səfər edəcək
Vaşinqton/11.10.23/Turan: ABŞ-ın Qafqazda danışıqlar üzrə baş müşaviri Luis Bono hazırda ABŞ-ın sülh prosesinə dəstəyini müzakirə etmək üçün regionda səfərdədir, Turan-ın Vaşinqtondakı müxbirinin verdiyi xəbərə görə, bu barədə çərşənbə axşamı Dövlət Departamentinin nümayəndəsi bildirib.
"Bu səfərlər zamanı cənab Bono əsas maraqlı tərəflərlə görüşür", deyə mənbə qeyd edib.
Bono bazar ertəsi Bakıda, çərşənbə axşamı isə Yerevanda olub, "ABŞ-a qayıdarkən isə Parisdə və Brüsseldə dayanacaq", deyən Dövlət Departamentinin mətbuat xidmətinin nümayəndəsi əlavə edib ki, bu, Bononun son bir ayda regiona ikinci səfəridir.
Səfər çərşənbə axşamı Rusiya xarici işlər naziri Sergey Lavrovun Qərbin sülh üçün deyil, öz siyasi ambisiyalarını dəstəkləmək üçün "vasitəçilik xidmətlərini" Ermənistana və Azərbaycana "zorla qəbul etdirdiyini" bildirdiyi bir vaxtda baş tutub.
Lavrov Rusiya XİN-in saytında dərc olunan məqaləsində qeyd edir ki, Vaşinqton və Brüssel Qarabağdakı vəziyyətə "müdaxilə edərək Cənubi Qafqazda sabitliyi pozur".
Lavrovun ittihamlarını Turan Agentliyinə şərh edən Dövlət Departamentinin rəsmi nümayəndəsi Metyu Miller belə deyib: "Bu, tamamilə yalandır".
"Bizim Cənubi Qafqazda yeganə məqsədimiz sülhü və Ermənistan-Azərbaycan münasibətlərində sabitliyi təmin etmək və əlbəttə ki, Dağlıq Qarabağ əhalisinin humanitar ehtiyaclarının və hüquqlarını nəzərə alınacağına və müdafiə olunacağına zəmanət verməkdir", deyə o qeyd edib. 0
-
- Siyasət
- 10 Oktyabr 2023 21:39
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz