ABŞ konqresmenləri yeni sanksiyalar tətbiq edirlər,  Gürcü Arzusu hökumətini tanımırlar

Cümə günü ABŞ Helsinki Komissiyasının sədri Co Uilsonun rəhbərliyıi ikipartiyalı amerıkalı qanunvericilər qrupu MEGOBARİ Act qanununun qəbul edildiyini elan edib.

Bundan əlavə, "Gürcüstan kabusunun tanınmaması haqqında" qanun təqdim ediləcək. Hər iki qanun layihəsi Gürcü Arzusu Partiyasının məmurlarına qarşı sanksiyaların tətbiqini nəzərdə tutur.

Sonuncu qanun Gürcüstanın Rusiyapərəst hökumətini qeyri-legitim hesab edir, Turan-ın Vaşinqton müxbiri bildirib.

"Hərbi cinayətkar Vladimir Putin Gürcüstanın bir hissəsini ələ keçirib və indi onun qalan hissəsini almaq istəyir", - Uilson bu aktların nə vaxt qəbul ediləcəyilə bağlı Turan-ın sualına cavabında deyib.

Onun sözlərinə görə, MEGOBARİ qanunu Gürcüstanda demokratiyanın, insan hüquqlarının və qanunun aliliyinin möhkəmləndirilməsinə yönəlmiş, ABŞ-ın Gürcüstanın Avroatlantik inteqrasiyasına dəstəyini və Rusiyanın avtoritar rejiminə qarşı çıxdığını təsdiqləyən mühüm  qanunverici aktdır.

"Gürcü dilindən tərcümədə "meqobari" "dost" deməkdir və bu qanun layihəsi ABŞ və Gürcüstan xalqı arasında güclü dostluq və tərəfdaşlığı əks etdirir", - o deyib.

"Bizim əsas vəzifəmiz gürcü kabusunun sona çatmasına nail olmaqdır və təcavüzkarlar məhvəri Gürcüstan xalqını terror etməyi dayandırsın", -o vurğulayıb.

Helsinki Komissiyasının üzvü, konqresmen- demokrat Stiv Koen də bununla razıdır, o bildirib ki, Bidzina İvanişvili  Gürcü Arzusunu "gürcü kabusuna çevirib".

"Korrupsiyaya uğramış İvanişvili və onun Gürcü Kabusu Partiyası Gürcüstanı Rusiyanın müstəmləkəsinə çevirir. Rejimin quldurları sərbəst və ədalətli seçkilər tələb edən etirazçıları dağıtır və həbs edirlər, müstəqil müşahidəçilər isə oktyabr seçkilərini kökündən saxta adlandırırlar", - Koen deyib.

"Gürcü xalqı transatlantik yola qayıtmağı tələb edir və biz ona kömək etməliyik. MEGOBARİ qanunu bu yardımı Putinin marionetkalarına qarşı sanksiyalar tətbiq etməklə bu yardımə təmin edir", - o deyib.

MEGOBARİ Gürcü Arzusunun bütün vəzifəli şəxslərinə qarşı sanksiyalar tətbiq edir. O həmçinin Gürcüstanda demokratiya və suverenliyin bərpasından sonra ABŞ və Gürcüstan arasında münasibətlərin dərinləşməsini nəzərdə tutur. Qanun layihəsi Gürcüstanda Rusiya və Çin kəşfiyyat fəaliyyətinin, Gürcüstanda demokratiya və suverenliyi pozmaq üçün Rusiya ilə Çin arasında əməkdaşlığın üzə çıxarılmasını tələb edir.

Tanımamaq aktına gəlincə, müəlliflər izah ediblər ki, Konqres bu qanunları təsdiqlədikdən sonra İvanişvilinin rəhbərliyi altında Gürcüstan “qovulmuş” dövlətə çevriləcək.