Vaşinqton/12.03.20/Turan: ABŞ prezidenti Donald Tramp elan edib ki, koronavirusun yayılması ilə əlaqədar martın 13-dən Avropadan ABŞ-a girişə qadağa tətbiq edir. Bu tədbir 30 gün ərzində qüvvədə olacaq, amma Böyük Britaniyaya şamil edilməyəcək.
Ağ Evdən millətə müraciətində Amerika prezidenti deyib ki, zəruri koronavirus testlərindən keçən ABŞ vətəndaşları üçün də istisnalar ediləcək.
Qadağa Avropa İttifaqının ABŞ-ın infeksiyanın yayılmasının qarşısını almaq üçün tətbiq etdiyi "ehtiyat tədbirlərini tətbiq edə bilməməsi" ilə əlaqədar tətbiq edilib, deyə Tramp qeyd edib.
ABŞ prezidenti həmçinin elan edib ki, hakimiyyət koronavirusdan ziyan dəyən şirkətlərə maliyyə yardımı göstərəcək. Onun sözlərinə görə, müəssisələrə aşağı faizlə borc veriləcək, bu da "virusun yaratdığı iqtisadi çətinliklərin öhdəsindən gəlməyə" imkan verəcək.
Bundan başqa, o, yaxın gələcəkdə virusa yoluxmuş, karantində olan və ya başqa xəstələnənlərə qulluq edən vətəndaşlara maliyyə güzəştlərinin verilməsi üzrə "misli görünməmiş" tədbirlər görməyi vəd edib.
Martın 12-də ABŞ-ın paytaxtı Vaşinqtonda koronavirusun yayılması ilə əlaqədar fövqəladə hal rejimi tətbiq edilib. Bu rejim 15 gün davam edəcək. Bu, merə karantin tətbiq etmək, qiymətləri artırmağa çalışan möhtəkirləri cəzalandırmaq hüququ verir. CNN-in hesablamalarına görə, ümumilikdə 24 ştat fövqəladə hal rejiminə keçid elan edib. ABŞ-da COVID-19-a yoluxanların sayı 1 min nəfəri keçib, 36 nəfər dünyasını dəyişib. -02D-
Siyasət
-
Noyabrın 26-da Bakı Apellyasiya Məhkəməsində hüquq müdafiəçisi Anar Məmmədlinin həbsindən verdiyi şikayətinə baxılıb.
-
Noyabrın 26-da Naxçıvan Xüsusi Təyinatlı Qüvvələrinin ehtiyatda olan zabitləri etiraz aksiyası keçiriblər.
-
Noyabrın 26-da Bakı Apellyasiya Məhkəməsində keçmiş diplomat Emin İbrahimovun həbs müddətinin uzadılmasından verilmiş şikayətə baxılıb.
-
Həbsdə olan iqtisadçı alim Fazil Qasımov noyabrın 16-da ailəsi ilə telefon danışığının kəsilməsinə etiraz etdiyinə görə təzyiqə məruz qalıb.
Rəy yaz