ABŞ müdafiə nazirinin müavininin köməkçisinin səfəri başa çatıb

ABŞ-ın müdafiə nazirinin müavininin hərbi-siyasi məsələlər üzrə köməkçisi Ketlin Hiks yanvarın 17-də  Azərbaycana səfər edib.

ABŞ-ın Bakıdakı səfirliyinin məlumatına görə, səfərdə məqsədi ABŞ və Azərbaycan arasında strateji tərəfdaşlığı dərinləşdirməkdir.    

Prezident İlham Əliyev və xanım Hiks təhlükəsizlik sahəsində qarşılıqlı əlaqələr, o cümlədən,  terrorizmlə mübarizə üzrə əməkdaşlıq, enerji təhlükəsizliyinin inkişaf etdirilməsi,  hava yolu ilə yük daşımaları və dəniz yolu ilə nəqliyyat əməliyyatları haqqında müzakirələr aparıblar. 

Xanım Hiks Əfqanıstanda ABŞ və koalisiya qüvvələrinin apardıqları əməliyyatlara dəstəyinə görə Azərbaycana dərin minnətdarlığını bildirib. Tərəflər  2014-cü ildə qüvvələrin çıxarılmasından sonra  Əfqanıstana edəcəkləri kömək ilə bağlı öhdəliklərini təsdiq ediblər. 

Bundan başqa xanım Hiks Azərbaycanın müdafiə, xarici işlər və milli təhlükəsizlik nazirləri ilə görüşüb, ABŞ-Azərbaycan əməkdaşlığını gələcəkdə gücləndirmək üçün təşəbbüsləri müzakirə edib. 

Qonaq həmçinin Heydər Əliyev adına Beynəlxalq Hava Limanında yeni, ən müasir tələblərə cavab verən yük daşıma fəaliyyətləri və avadanlıqları ilə tanış olub. -0-