Qeydiyyatdan keçən şirkətlərin 8,9% - 100%-lik xarici kapitallı strukturlardı

2012-ci ildə Azərbaycanda 5417 kommersiya hüquqi şəxsi qeydiyyatdan keçib. Bu 2011-ci  ildən 5,4% çoxdu. Bu barədə Turana Dövlət Statistika Komitəsindən məlumat verilib. İl ərzində həmçinin hüquqi şəxs yaratmadan sahibkarlıq fəaliyyəti ilə məşğul olacaq 65 799 fiziki şəxs (+14,2%) qeydiyyatdan keçib. 

2012-ci ildə qeydiyyatdan keçən kommersiya subyektlərinin ümumi strukturunda cəmi 7,6%% hüquqi şəxsdir. Misal üçün, Gürcüstanda 2012-ci ildə bu göstərici 37,1% təşkil edib. Vergilər Nazirliyində kommersiya şəxslərinin dövlət qeydiyyatında «vahid pəncərə» prinsipinə keçəndə əsas vəzifə kimi sahikabkarların hüquqi fəaliyyət növünə üstünlük verməsi üçün prosedurların sadələşdirilməsi qoyulurdu. Lakin sahibkarlar onları daha sadə maliyyə və vergi hesabatlılığının tətbiq edildiyi fiziki şəxs tipinin cəlb etdiyini deyir. Maliyyələşdirmə mənbəyinə görə dövlət qeydiyyatından keçən kommersiya hüquqi şəxslərin 4653-ü xüsusi mülkiyyətin payına düşür – (2011-ci ildə – 4 298). 483 tam xarici investisiyalı şirkət qeydiyyatdan keçib (2011-ci il - 440). Yerli və xarici kapitalın iştirakı ilə 124 birgə müəssisə təsis edilib (2011-ci il - 124). Dövlət 154 müəssisə təsis edib (2011-ci ildə - 268). Yeni yaradılmış hər beş müəssisədən üçü Bakıda qeydiyyatdan keçib. 08B