![Azərbaycan Dövlət Statistika Komitəsi hasil edilən $618 mln. dollarlıq nefti hesaba almayıb](https://turan.az/resized/media/2013/main/011800025052-750-500-resize.webp)
Azərbaycan Dövlət Statistika Komitəsi hasil edilən $618 mln. dollarlıq nefti hesaba almayıb
Azərbaycan Dövlət Statistika Komitəsi 2012-ci il nəticələrinə görə ölkədə neft və qaz hasilatına dair məlumatları açıqlayıb. Sənədə əsasən, 2012-ci ildə Azərbaycanda 43 mln. ton neft hasil edilib, bu da 2011-ci ildə 5,3% azdır. Ancaq Dövlət Statistika Komitəsinin xammal hasilatı həcmlərini hesablamasında yanlışlığı dərhal gözə çarpır: məlumatlar elə yuvarlaqlaşdırılıb ki, milyon tondan sonra minlər itib.
Ancaq Dövlət Statistika Komitəsinin saytında göstərilib ki, 2011-ci ildə Azərbaycanda yerin altından 45 mln. 626 min ton neft çıxarılıb. Əgər ötən il hasilat əslində 43 mln. ton təşkil edibsə, bu inişilki səviyyədən 2 mln. 626 min ton, yaxud 5,75% azdı, hasilat həqiqətən də 5,3% aşağı düşübsə, bu o deməkdir ki, 2012-ci ildə ölkədə 43 mln. deyil, 43 mln. 208 min ton neft hasil edilb. Bax belə bir qarışıqlıq…
Ancaq bu hələ son deyil: 2012-ci ilin dekabrın 30-da Azərbaycan Dövlət Neft Şirkətinin prezidenti Rövnəq Abdullayev SOCAR-da ilin yekunlarına həsr olunan tədbirdə çıxış edərkən bildirib ki, 2012-ci ildə «qara qızılın» istehsalı 43,9 mln. ton təşkil edib. Yəni Dövlət Statistika Komitəsinin göstərdiyindən 900 min ton artıq.
Beləlikdə, rəsmi statistikanın hesabatında 900 min ton neftin hara yoxa çıxdığı məlum deyil. Azərbaycanın Azeri Light markalı neftinin bir barrelinin orta illik qiyməti $110 olduqda «gizlədilən» neft həcminin qiyməti $618,7 mln. dollar təşkil edir.
Qazla da bağlı oxşar situasiyadır. Dövlət Statistika Komitəsi qaz hasilatı ilə bağlı məlumatları açıqlayarkən onun əmtəə həcmləri 17,2 mlrd. m3 səviyyəsində göstərib, burada artım 5,4% təşkil edib. Statistika idarəsinin məlumatlarına əsasən, 2011-ci ildə ölkədə 16 mlrd. 361 mln. m3 əmtəəlik qaz əldə edilib. Yəni bir il ərzində əmtəəlik qazın hasilat həcmləri 839 mln. m3 yaxud 5,13% artıb. Bu halda Dövlət Statistika Komitəsinin göstəricisi 0,9% az olub.
SOCAR prezidentinin məlumatına görə isə ümumilikdə 27,9 mlrd. m3 qaz hasil edilib. Dövlət Statistika Komitəsinin hesabatında deyilir ki, 10,7 mlrd. m3 qaz hasilat debitini artırmaq məqsədi ilə neft laylarının doldurulması üçün istifadə edilən texniki dərəcəli qazdı. Bunun həqiqətən də belə olduğu da sualdı. —0—
-
- İqtisadiyyat
- 18 Yanvar 2013 10:45
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz