ABŞ müdafiə xərclərini artırdıqlarına görə NATO-ya üzv dövlətləri tərifləyib

Çərşənbə günü ABŞ NATO-nun 18 üzvünün müdafiə xərcləri planını yerinə yetirməsilə NATO-nun bəyanatını alqışlayıb, Turan-ın Vaşinqton müxbiri bildirib.

"Hesab edirəm ki, bu, inanılmaz dərəcədə vacibdir", - Dövlət Departamentinin nümayəndəsi Metyü Miller NATO-nun xərclərinin qiymətləndirilməsilə bağlı Turan-ın sualına cavabında bildirib.

NATO-nun baş katibi Yens Stoltenberq deyib ki, alyansın 31 üzvündən 18-nin xərcləri müdafiə üzrə ÜDM-in iki faizi səviyyəsinə çatıb. Ötən il 11 ölkə bu məqsədə nail olub. Bu 2014-cü illə müqayisədə altı qat artımdır, belə ki, o zaman ancaq üç müttəfiq müdafiə üzrə ÜDM-in 2 faizini ayırmışdı, Stoltenberq bildirib.

"Biz açıq şəkildə bildirdik ki, müttəfiqlərin bu göstəriciyə nail olmasını gözləyirik. NATO üzvlərinin ABŞ-a ödəniş etmələri barədə yanlış fikir var, əslində bu, belə deyil. Sadəcə, müdafiə xərclərinin məbləği batrədə tələblər var və onlar yerinə yetirilməlidir", - Miller deyib.