ABŞ "NATO ərazisinin hər bir qarışını" qoruyacaq, bu sözləri Blinken Rusiyanın Rumıniya yaxınlığındakı ərazilərə zərbə endirməsi fonunda deyib

Vaşinqton/25.07.23/Turan: Rusiyanın Rumıniya yaxınlığında Dunay çayına zərbə endirməsindən sonra bazar ertəsi ABŞ bir daha bildirib ki, "NATO ərazisinin hər bir qarışını qoruyacaq", xəbəri Turan-ın Vaşinqtondakı müxbiri verib.

Dövlət katibi Entoni Blinken Rumıniyanın xarici işlər naziri Luminita Odobesku ilə "kollektiv təhlükəsizlik və Ukrayna və Moldovaya sarsılmaz dəstək, qlobal ərzaq təhlükəsizliyi və Qara Dənizin təhlükəsizliyi sahəsində əməkdaşlıq" haqqında danışıb, deyə Dövlət Departamentinin məlumatında bildirilir.

Blinken və Odobesku həmçinin Rusiyanın Rumıniya yaxınlığında sonuncu hücumunu müzakirə ediblər. Bu ölkə NATO-ya ən yaxın ərazi hesab olunur, ötən ilin fevralında Ukraynada müharibə başladığı gündən etibarən Rusiya silahlarından atəş açılır.

"Bu münaqişənin ilk günündən biz NATO-dan olan tərəfdaşlarımızla bağlı vahid prinsipi açıqladıq və təkrar etməyə davam edəcəyik, daha dəqiq isə, NATO ərazisinin hər bir qarışını qoruyacağıq. Dövlət katibi Rumıniyanın xarici işlər naziri ilə bugünki telefon danışığında bunu açıq şəkildə bildirib", deyə Dövlət Departamentinin rəsmi nümayəndəsi Metyu Brayza gündəlik brifinqdə Turan-ın suallarına cavabda bildirib.

Daha sonra o, əlavə edib: "Prezident [Bayden] bunu dəfələrlə bildirib və bu, bizim əsas prinsiplərimizdən biri olaraq qalmaqda davam edir.

Aleks Raufoğlu