ABŞ “Nord Stream 2” qaz kəmərini inşa edən şirkətlərə qarşı sanksiyalar tətbiq edir

Çərşənbə günü ABŞ  “Nord Stream 2” qaz kəmərinin tikintisində iştirakına görə Rusiyanın bir neçə şirkətinə yeni sanksiyalar tətbiq edib.

"Biz Rusiyanın bir daha öz enerji resurslarından, siyasi silahından istifadə edə bilməməsi üçün tədbirləri davam etdirəcəyik", - brifinqdə Dövlət Departamentinin mətbuat katibinin müavini Vedant Patel Turan- sualını cavablandırarkən bildirib.

Onun sözlərinə görə, Vaşinqton boru kəmərinin tikintisində iştirak edən bəzi təşkilatlara, eləcə də bir neçə gəmi sahibinə qarşı yenidən sanksiyalar tətbiq edir.

"Biz Rusiyanın geosiyasi layihəsi “Nord Stream 2”-yə  və onu işə salmaq cəhdinə mənfi münasibətimizi saxlayırıq", - Patel deyib.

Bu dəfə sanksiyalara məruz qalanların arasında Rusiya dəniz xidmətləri və su- nəqliyyat şirkətləri, dənizdə Dövlət Xilasetmə Xidməti, ondan çox gəmi, habelə layihənin operatoru “Nord Stream 2” var, -Dövlət Departamentinin məlumatında deyilir

Rusiyanın "Qazprom" şirkətinin Baltik dənizinin dibilə inşa etdiyi “Nord Stream 2” işə salınmayıb.