Açiq mənbələrdən foto.
Bakı/20.02.23/Turan: Bazar ertəsi səhər ABŞ prezidenti Co Bayden Kiyevə gözlənilməz səfər edib.
Ukrayna prezidenti Zelenski ilə birlikdə o, Ukraynanın həlak olan qəhrəmanlarının abidəsinə çiçəklər qoyub.
Qeyd edək ki, Bayden Zelenski ilə birlikdə Kiyev küçələrində hava həyəcanı sədaları altında hərəkət edib, çünki şəhərin Rusiya qoşunları tərəfindən raket atəşinə tutulması təhlükəsi var.
Səhərdən Kiyevdə yüksək təhlükəsizlik tədbirləri həyata keçirilib, şəhər mərkəzi nəqliyyat üçün bağlanıb.
Bundan öncə bildirilib ki, fevralın 20-22-də Bayden Polşada səfərdə olacaq və Ukraynaya yeni hərbi yardımın ayrılacağını elan edəcək. Görünür, o bunu Kiyevdə elan edəcək. 02B
Siyasət
-
İsrail prezidenti İsaak Hersoqun Bakıda keçirilən COP29 iqlim konfransına planlaşdırılan səfəri Türkiyə prezidentin təyyarəsinin uçuşuna icazə vermədiyi üçün ləğv edilib, - deyə bazar günü, noyabrın 17-də Azərbaycan və İsraildəki mənbələr bildiriblər.
-
III Respublika Platforması (ResPlatforma) Dirçəliş Günü ilə əlaqədar Bəyanat yayıb. Bəyanatda Azərbaycan millətinin Dirçəliş Günü təbrik edilir. Həmçinin Bəyanatda 17 noyabr prosesinin Dağlıq Qarabağ üzərində Azərbaycanın suverenliyinin təmin edilməsi tələbi ilə başlayan mitinqlərin müstəqillik hərəkatının başlanğıcı olması və 17 noyabr prosesinin müstəqilliyin əldə edilərək II Respublikanın qurulması ilə nəticələndiyi qeyd edilir. Bu minvalla ResPlatforma müstəqillik və Qarabağ davası uğrunda fədakarlıq göstərən vətəndaşlarımızı, o cümlədən şəhid və qazilərimizi dərin minnətdarlıq hissi ilə yad edir.
-
Noyabrın 17-də Azərbaycanda Milli Dirçəliş Günü qeyd edilir. 17 noyabr 1988-ci ildə Bakının əsas meydanı olan "Azadlıq" meydanında (keçmiş Lenin meydanı red.) Qarabağ üzərində suverenliyin təmin edilməsi tələbilə fasiləsiz mitinqlər başladı. Sonradan mitinq iştirakçıları Azərbaycanın müstəqilliyi məsələsini qaldırdılar.
-
COP29-da iştirak üçün Bakıya səfər edən Norveçin Beynəlxalq İnkişaf Naziri Anne Beathe Tvinnereim hazırda polis nəzarətində olan, ev məhbusluğu həyatı yaşayan siyasi məhbus, London İqtisad Məktəbinin və Drezden Texniki Universitetinin professoru Qubad İbadoğlu ilə görüşüb. Norveç höküməti adından görüşə gəldiyini bildirən xanım nazir Qubad İbadoğluya qarşı tətbiq olunan məhdudiyyətlər, onun sağlamlıq durumu və ona qarşı irəli sürülən ittihamları üzrə istintaqın gedişi ilə maraqlanıb.
Rəy yaz