Vaşinqton/28.11.23/Turan: ABŞ-ın ATƏT-dəki səfiri çərşənbə axşamı Vaşinqtonun Azərbaycan və Ermənistan arasında sülh danışıqlarını davam etdirmək niyyətini təsdiqləyib, Turan-ın Vaşinqton müxbiri xəbər verir.
Səfir Maykl Karpenter virtual brifinqdə deyib: "Birləşmiş Ştatlar ardıcıl olaraq Ermənistan və Azərbaycan arasında münasibətlərin normallaşmasını arzuladığını bildirib. Son bir il ərzində biz Ermənistan və Azərbaycan arasında bir sıra danışıqlar təşkil etdik". “Dövlət katibi Blinken Cənubi Qafqaz regionunda bütün ölkələrin maraqlarına cavab verən münasibətlərin normallaşmasına, regionda açıq kommunikasiyalara və ticarətə yol açacaq sülh sazişinin tapılması səylərində şəxsən iştirak edib.
Tərəflər münasibətlərin normallaşması üçün razılığa gəlmək üçün bu yaxşı vasitələrdən istifadə etməlidirlər”. Sonda səfir Karpenter qeyd edib ki, Vaşinqton qaçqınların təhlükəsiz qayıtmasını və davamlı reinteqrasiya olması prinsipini dəstəkləyir.-0-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz