ABŞ Qubad İbadoğlunun Sağlamlığından “Dərin Narahatdır”

Vaşinqton D.C./18.08.23/Turan: Birləşmiş Ştatlar cümə günü Qubad İbadoğlunun sağlamlıq vəziyyətindən "dərin narahat olduğunu" bildirib və bir daha rəsmi Baknı onun hüquqlarını və əsas azadlıqlarını qorumağa çağırıb, TURANın Vaşinqton müxbiri xəbər verir.

Dövlət Departamentinin sözçüsü TURANın Vaşinqton müxbirinə deyib: "Biz Qubad İbadoğlunun həbsini və saxlanmasını diqqətlə izləyirik. Onun vəziyyətindən çox narahatıq".

"Birləşmiş Ştatlar insan hüquqlarına və əsas azadlıqlara qətiyyətlə sadiq qalır. Biz Bakinı öz vətəndaşlarının, o cümlədən Qubad İbadoğlunun hüquqlarını və əsas azadlıqlarını Azərbaycanın öz konstitusiyasına və beynəlxalq öhdəliklərinə uyğun qorumağa çağırırıq", - Dövlət Departamentin sözçüsü əlavə edib.

Azərbaycanda demokratik prinsiplərin və sosial-iqtisadi tərəqqinin müdafiəsi ilə məşğul olan iqtisadçı İbadoğlu iyulun 23-də Bakıda, onun tərk edilmiş mənzilində polis tərəfədən   40 min dollarlıq saxta əskinaslar tapdığını iddia etdikdən sonra saxtakarlıq ittihamı ilə saxlanılıb. 

Avqustun 16-da BMT-nin insan haqları qurumu da İbadoğlunun ağır xəstə olması ilə bağlı  “dərin narahatlığını” ifadə edib. O, şəkər xəstəsidir və hipertoniyadan əziyyət çəkir. Ailəsi deyir ki, o, dərman almaqdan məhrum edilib və səhhətindən qorxurlar.

"Biz hökuməti onu azad etməyə və adekvat və müvafiq tibbi müalicə və qayğı ilə təmin olunmasına çağırırıq", - BMT İnsan Hüquqları bildirib.

Bir neçə ABŞ qanunvericisi, eləcə də vətəndaş cəmiyyəti liderləri bu yaxınlarda Azərbaycan hökumətini humanitar əsaslarla cənab İbadoğlunu azad etməyə çağırıblar.

Aleks Raufoğlu