ABŞ Rusiyada repressiyaların artmasını qətiyyətlə pisləyir
ABŞ Rusiyada müxalifətçilərə qarşı repressiyaların artmasını qətiyyətlə pisləyir və 680-dən çox siyasi məhbusu dərhal azad etməyə çağırır, xəbəri Turan-ın Vaşinqtondakı müxbiri verib.
"Biz Rusiya hökumətinin fərqli düşüncəni boğmaqda davam etdiyini müşahidə edirik", deyə brifinqdə Dövlət Departamentinin rəsmi nümayəndəsi Metyu Miller məşhur hüquq müdafiəçisi və "Memorial" təşkilatının həmsədri, 2022-ci il Nobel mükafatı laureatı Oleq Orlov barəsində hökmü nəzərdə tutaraq bildirib.
O, həmçinin xatırladıb ki, bu hökm rusiyalı siyasətçi Boris Nemtsovun qətlinin doqquzuncu ildönümünə təsadüf edib.
"Aleksey Navalnı kimi, Nemtsov da islahat və məsuliyyətin Putin tərəfindən təqib olunan yüksək səsi idi. Rusiya baş nazirinin keçmiş müavini Nemtsov Kremlin divarları önündə güllələnənə qədər ömrünü öz həmvətənlərinin həyatının yaxşılaşdırılmasına həsr edib", deyə Dövlət Departamentinin nümayəndəsi bildirib.
Nemtsovun vətəndaş mövqeyi Rusiyada və onun hüdudlarından kənarda digər demokratik siyasətçilərə və hüquq müdafiəçilərinə ilham verir. Nemtsovun havadarı və cəsur lider Vladimir Kara-Murza Rusiyanın azad gələcəyinin təbliğinə görə həbsxanada məhv olur.
Siyasət
-
Rusiya Ermənistan-Azərbaycan münasibətlərinin normallaşması və Yerevanla Bakı arasında sülh müqaviləsinin imzalanması üçün hər şeyi edir. Bu barədə çərşənbə axşamı Rusiya prezidenti Vladimir Putin xarici ölkələrin səfirlərinin öz etimadnamələrini təqdim etməsi mərasimində bildirib.
-
"Azərbaycan əhalisi tələdədir. Hava limanı olmadan başqa yolla ölkəyə giriş-çıxış edə bilmir. Hətta oraya getməli olsaydım belə, bunu etməzdim. Rejimi legitimləşdirmək istəmirəm”. Bu barədə İsveçin təbiəti mühafizə sahəsində fəalı Qreta Tunberq “Blankspot” nəşrinə müsahibəsində bildirib. O, Tbilisiyə gedib, oradan Ermənistana getmək niyyətindədir. COP29 iqlim sammitindən heç bir gözləntisi yoxdur.
-
Azərbaycan Xarici İşlər Nazirliyi ölkənin Avropa İttifaqında səfiri Vaqif Sadıqov və Ermənistanın Avropa İttifaqında diplomatik nümayəndəliyinin rəhbəri Tiqran Balayan arasında münaqişənin olması ilə bağlı “Politico” saytının yaydığı xəbəri Turan-a aydınlaşdırmaqdan imtina edib. Nazirlik, sadəcə, təsdiqləyib ki, “Politico” həqiqətən Azərbaycan səfirilə ünsiyyətdə olub və o, xarici KİV-ə bildirib ki, Balayanın söylədiklərinin hamısı yalandır.
-
Noyabrın 5-də Azərbaycan prezidenti İlham Əliyev Türk Dövlətləri Təşkilatı dövlət başçılarının 11-ci sammitində iştirak etmək üçün Qırğızıstana gedib.
Rəy yaz