ABŞ səfiri REAL-ın icra katibi ilə görüşüb
Sentyabrın 28-də ABŞ-ın Azərbaycandakı səfirliyində səfir Robert Sekuta, səfirinin siyasi işlər üzrə müşaviri Susan Chesly və REAL-ın icra katibi Natiq Cəfərli arasında görüş olub.
Natiq Cəfərli facebook səhifəsində yazıb ki, görüşdə ölkədəki ictimai-siyasi vəziyyət, İlqar Məmmədovun (REAL-ın lideri) qanunsuz həbsdə saxlanılması, Konstitusiyaya dəyişikliklərlə bağlı keçirilən referendumun nəticələri və bunun ölkənin gələcək inkişafına təsiri müzakirə edilib.
N.Cəfərli bu il avqustun 12-də Baş Prokurorluğun Ağır Cinayətlərə Dair İşlər üzrə İstintaq İdarəsinə çağırılıb. Daha sonra Nəsimi Rayon Məhkəməsi onun barəsində 4 ay müddətinə həbs-qətimkan tədbiri seçib.
N.Cəfərliyə Cinayət Məcəlləsinin 192.1 (qanunsuz sahibkarlıq), 308.2-ci (vəzifə səlahiyyətlərindən sui-istifadə) maddələri ilə ittiham irəli sürülüb.
REAL hərəkatı həbsi siyasi sifariş sayıb. REAL hərəkatı N.Cəfərlinin mənimsəmələrə yol vermədiyini, iddiaların cəfəngiyat olduğunu bildirir.
Cəfərli sentyabrın 9-da azadlığa buraxılıb. Buna baxmayaraq, cinayət işinin ibtidai istintaqı hələ də davam etdirilir. Onun Bakı şəhərini tərk etməsinə qadağa qoyulub, mənzilindən götürülmüş həyat yoldaşının zinət əşyaları geri qaytarılmayıb. -03D-
Siyasət
-
Azərbaycan Hərbi Prokurorluğunun məlumatına görə, Vəli Abbasov odlu silahdan atəş açaraq intihar edib.
-
Gürcüstan Miqrasiya Xidmətinin nümayəndəsi Azel TV saytının Tbilisi İstintaq Təcridxanasında saxlanılan təsisçisi Əfqan Sadıqova baş çəkib. Bu barədə sentyabrın 5-də Əfqana baş çəkən həyat yoldaşı Sevinc Sadıqova bildirib.
-
MSK-nın ilkin məlumatına görə, Azərbaycan parlamentinin yeni tərkibinə əvvəlki deputatların və dövlət məmurlarının övladları və qohumları olan bir qrup şəxs daxil olub:
-
Sentyabrın 5-də Bakının Səbail Rayon Məhkəməsi tədqiqatçı Bəhruz Səmədovun mənzilində axtarış aparılması ilə bağlı şikayətini təmin etməyib.
Rəy yaz