ABŞ səfirinə nota təqdim edilib
ABŞ-ın Bakıdakı səfiri Robert Sekuta çərşənbə axşamı Azərbaycan XİN-ə dəvət edilib və ona etiraz notası təqdim edilib.
XİN-in mətbuat xidmətinin məlumatında deyilir ki, notada 9 dekabr tarixində Vaşinqtonda Ermənistanın ABŞ-dakı səfirliyi, erməni lobbi təşkilatları və Konqresdə Ermənistan üzrə işçi qrupun təşkil etdiyi “Artsaxın müstəqilliyinin ildönümü” adlı qurama tədbirə qatılması və tədbir çərçivəsində özünü Azərbaycanın işğal edilmiş ərazilərində Ermənistan tərəfindən yaradılmış qondarma rejimin “xarici işlər naziri” kimi təqdim edən Karen Mirzoyanla görüşünə etiraz bildirilir.
“Bu hərəkətlər Minsk qrupunun həmsədr institutunun mandatına tamamilə ziddir və onun neytrallığı və qərəzsizliyinə kölgə salır”, deyə notada qeyd edilir.
Bundan başqa, XİN danışıqlar prosesini daha da çətinləşdirən bu cür tədbirlərin keçirilməsinin yolverilməz olduğunu Dövlət Departamentinin diqqətinə çatdırır.
Öz növbəsində, Ceyms Uorlik öz twitter hesabında yazıb ki, bütün münaqişə tərəflərinin fikrini öyrənmək üçün onlarla ünsiyyətdə olmaq lazımdır. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz