ABŞ Səfirliyi Amerika kollecində bir illik təlim proqramı elan edir
Bakı/09.01.24/Turan: ABŞ Səfirliyi ABŞ kolleclərindən birində üç sahə üzrə - Rəqəmsal Media və Kommunikasiyalar, Kənd Təsərrüfatı və Turizm sahələri üzrə bir illik akademik dərəcə nəzərdə tutmayan proqram (CCİ) elan edir. Proqram tam olaraq ABŞ Dövlət Departamenti tərəfindən maliyyələşdirilir.
2024-cü ilin iyulundan 2025-cü ilin iyununa qədər bir il müddətinə təklif olunacaq proqram üçün 4 nəfərə qədər azərbaycanlı tələbə seçiləcək. Proqram öncəsi hazırlıq 2024-cü ilin iyun ayında keçiriləcək.
Seçilən tələbələr digər amerikalı və beynəlxalq tələbələrlə birgə ABŞ kolleclərindən birində təhsil alacaqlar. ABŞ Dövlət Departamenti ABŞ-dakı proqram müddətində təhsil haqqını qarşılayacaq və maliyyə yardımı göstərəcək.
Səfirliyin məlumatında qeyd edilir ki, tələbələrə təhsil müddətində ABŞ-də işləməyə icazə verilmir və proqram müddətində başqa kurslarda iştirak etmək üçün şərait yaradılmır.
Əlavə məlumat üçün SeyidovaG@state.gov mail ünvanı ilə əlaqə saxlamaq olar. 16B
CCI Program AY 2024-2025 Application Fillable FINAL
Siyasət
-
Fevralın 3-də Bakı Ağır Cinayətlər Məhkəməsində ictimai fəal Nicat İbrahimin işi üzrə proses başlayacaq. Bu qərarə çərşənbə günü hazırlıq iclasında hakim Aygün Qurbanova qəbul edib.
-
Yanvarın 23-də Azərbaycan Talışları İctimai Şurasının üzvü Hilal Məmmədov Dövlət Təhlükəsizliyi Xidmətinə çağırılıb. O, Turan-a bildirib ki, bu gün Dövlət Təhlükəsizliyi Xidməti Nizami rayon şöbəsinin əməkdaşları Dövlət Təhlükəsizliyi Xidmətinin Baş İstintaq İdarəsinin bildirişini ona gətiriblər.
-
Yanvarın 22-də Azərbaycanın xarici işlər naziri Ceyhun Bayramov Böyük Britaniyanın xarici işlər, ittifaq və inkişaf məsələləri üzrə dövlət katibi Devid Lemmi ilə telefonla danışıb.
-
“Kanal-11” Youtube kanalının rəhbəri Teymur Kərimovun işi üzrə məhkəmə iclaslarının protokolları saxtalaşdırılıb. Bu barədə onun bəyanatında deyilir. Bəyanatı Kərimovun həmkarları yayıblar.
Rəy yaz