ABŞ səfirliyi: İki ölkə arasında birbaşa hava əlaqəsi ikitərəfli əməkdaşlığın genişlənməsinə xidmət edəcək

ABŞ-ın Bakıdakı səfirliyi Azərbaycandan Amerikaya birbaşa hava əlaqəsinin açılışı ilə bağlı məmnunluğunu bildirərək qeyd edib ki, bu, iki dövlət arasında turizmin və yük daşımalarının inkişafına, insanlararası mübadilənin geniçlənməsinə və dostluğun möhkəmləndirilməsinə xidmət edəcək.

İlk uçuşun həyata keçirilməsi ABŞ və Azərbaycan arasında bu istiqmətdə çoxillik əməkdaşlığın yüksək nöqtəsi olub.

ABŞ Ticarət və İnkişaf Agentliyi Beynəlxalq Aviasiya Təşkilatının üzvü olan Azərbaycanın aviasiya təhlükəsizliyinə texniki yardımın iki mərhələsini maliyyələşdirib.

Bunun nəticəsində Dövlət Mülki Aviasiya Administrasiyası təhlükəsizliyin 8 mühüm elementini daha effektiv həyata keçirə bilər.

2014-cü ilin martında Azərbaycan beynəlxalq aviasiya təhlükəsizliyinin uğurlu rəyini alaraq ABŞ Federal Aviasiya Administrasiyasının təhlükəsizlik kateqoriyasında birinci dərəcəni qazanıb ki, bu da iki ölkə arasında birbaşa hava əlaqəsinin açılmasına imkan yaradıb.

ABŞ hökuməti Azərbaycanla mülki aviasiya sahəsində əməkdaşlığı davam etdirməyə və iqtisadi əməkdaşlığı gücləndirməyə ümid edir.

Xatırladaq ki, ilk Bakl-Nyu York birbaşa reysi sentyabrın 24-də Azərbaycan Dövlət Hava Yolları  (AZAL) tərəfindən həyata  keçirilib.06D—