ABŞ-ın Bakıdakı səfirliyinin İqtisadiyyat və Ticarət Şöbələrinin rəhbəri Karter Vilbur Bakıdan kənarda fəaliyyət göstərən və dənizdə neft və qaz sənayesini dəstəkləyən "Seacor Cougar" gəmisinin kapitanı və ABŞ SEACOR Dəniz Donanmasının Azərbaycandakı filialı SEACOR AZ., MMC-nın direktoruna AMVER (ABŞ Sahil Mühafizəsi Avtomatlaşdırılmış Qarşılıqlı Yardım Gəmi Xilas Etmə) mükafatını təqdim etmişdir. Bu barədə ABŞ-ın Azərbaycandakı səfriliyi məlumat yayıb.
Məlumatda deyilir ki, AMVER gəmi təhlükəsizliyi və xilasetmə proqramı dənizdə çətinliyə düşmüş şəxslər üçün yardım təşkil etmək məqsədilə dünyada istifadə olunan könüllü hesabat şəbəkəsidir. AMVER mükafatları AMVER proqramında iştirak etmək üçün könüllü olan gəmiləri dəyərləndirir. Yalnız 2015-ci ildə proqram 432 insan həyatını xilas etməyə kömək edib.
Mükafatlandırma mərasimində Karter Vilbur dənizdə həyat və mülkiyyətin təhlükəsizliyinin təşviqatına sədaqətinə görə"Seacor Cougar"ı tərifləmiş və fövqəladə hallarda hazır olmanın əhəmiyyətini vurğulamışdır. "Seacor Cougar" Azərbaycanda yeganə 2016 AMVER mükafatı laureatıdır və onun AMVER proqramda könüllü iştirakı ABŞ-Azərbaycan arasında dəniz təhlükəsizliyi sahəsindəki əməkdaşlığın və Xəzər regionunda ABŞ-ın kommersiya fəaliyyətinin nümunəsidir.-03D-
Siyasət
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
-
Azərbaycanın “Azel” TV saytının rəhbəri, fevralın 2-dən Tbilisi İstintaq Təcridxanasında quru aclıq edən Əfqan Sadıqov çərşənbə axşamı huşunu itirib. Bu barədə Turan-a onun xanımı Sevinc Sadıqova bildirib.
-
Fevralın 5-də Bakı Ağır Cinayətlər Məhkəməsində keçmiş diplomat Emin İbrahimovun işi üzrə hazırlıq iclası olub. İclasa hakim Vuqar İbrahimov sədrlik edib. Mahiyyəti üzrə dinləmələr fevralın 12-nə təyin edilib.
-
AZAL-ın təyyarəsinin qəzaya uğraması ilə bağlı Qazaxıstanın Nəqliyyat Nazirliyinin dərc etdiyi hesabat "ilkin xarakter daşıyır və baş verənlərin səbəbləri barədə nəticə yoxdur". Bu barədə “Rosaviasiya” - Rusiya Federal Hava Nəqliyyatı Agentliyinin məlumatında deyilir.
Rəy yaz