ABŞ Trampa sui-qəsdlə bağlı Kremlin şərhlərinə cavab verib
Bayden administrasiyası keçmiş prezident Donald Trampa sui-qəsdlə bağlı Kremlin şərhini "məsuliyyətsiz" adlandırıb, Turan-ın Vaşinqtondakı müxbiri bildirib.
Bundan öncə Kremlin yüksək vəzifəli məmuru deyib ki, Trampın mitinqində bir izləyicinin ölümü və digər iki nəfərin yaralanması ilə nəticələnən sui-qəsd prezident Co Bayden və onun müttəfiqlərinin günahı üzündən baş verib.
Belə ki, Kremlin mətbuat katibi Dmitri Peskov bildirib ki, "siyasi mübarizə zamanı hakimiyyət tərəfindən yaradılan atmosfer bu gün Amerikanın üzləşdiyi şeylərə səbəb oldu".
"Aydındır ki, bunlar Kremlin tamamilə həqiqətə uyğun olmayan məsuliyyətsiz şərhləridir", - brifinq zamanı Dövlət Departamentinin rəsmi nümayəndəsi Metyu Miller Turan-ın sualını cavablandırarkən bildirib.
"İstənilən ölkədəki siyasi zorakılığı pislədiyimiz kimi, bu hücumu və istənilən siyasi zorakılığı qətiyyətlə və açıq şəkildə pisləyirik", - Miller deyib.
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz