ABŞ Türkmənistanı CQD-dən faydalanmağa çağırıb
Bakı/25.05.19/Turan: ABŞ Dövlət Departamenti ötən il Xəzər Dənizinin Hüquqi Statusu haqqında Konvensiyanın imzalanmasını müsbət qiymətləndirir və Türkmənistanı Xəzəryanı dövlətlərin əldə etdikləri razılaşmalardan "Cənub Qaz Dəhlizi"nə (CQD) qoşulmaq üçün istifadə etməyə çağırır. Bu, ölkənin inkişafına müsbət təkan verərdi, deyə dövlət katibinin köməkçisinin energetika üzrə müavini Sandra Oudkirk bildirib.
"Hesab edirik ki, Xəzər dənizinin statusu ilə bağlı saziş irəliyə doğru müsbət addımdır. Hesab edirik ki, Türkmənistanla ixrac dəhlizinin (tikməyin) mənası var. Onlar indi Çinə (qaz) ixrac edirlər, onların Azərbaycan və ya digər ölkələr vasitəsilə Avropa ilə əlaqə qurmaq potensialı var və bu, çox gzəl olardı", deyə RİA-Novosti Oudkirkdən sitat gətirir.
O, bunun bazara əlavə rəqabət bəxş edəcəyini hesab edir. "Türkmənistanın bütün mümkün variantları həyata keçirmək iqtidarında olmasını istərdik. Bu qərarı Türkmənistan verəcək, amma, çıxışımın əvvəlində də qeyd etdiyim kimi, Türkmənistan bir istehlakçıdan asılıdır, amma onların iqtisadiyyatı daha fəal dəstək ala bilər", deyə Oudkirk qeyd edib.
3,5 min kilometr uzunluğunda "Cənub Qaz Dəhlizi" Xəzər dənizi şelfindən çıxarılan qazı Avropaya ixrac etməyə imkan verəcək. Cənubi Qafqaz Qaz Kəməri, TANAP və TAP da CQD-nin tərkib hissələridir. TANAP layihəsi Azərbaycanın "Şah Dəniz" yatağından qazın Gürcüstan vasitəsilə Türkiyəyə, 2020-ci ildə TAP inşa edildikdən sonra isə həm də Cənubi Avropa ölkələrinə nəqlini nəzərdə tutur. -06D-
-
- Cəmiyyət
- 25 May 2019 13:49
Siyasət
-
Almaniya Parlamentinin”İşıqfor” Koalisiyasının üzvləri, insan haqları siyasətçiləri Renata Alt (FDP), Boris Miyatoviç (Yaşıllar) və Frank Şvabe (SDP) Azərbaycanda Qubad İbadoğlunun və digər siyasi məhbusların azad edilməsinə dair açıqlama yayıblar.
-
Mayın 17-də ictimai fəal və hüquq müdafiəçisi Bəxtiyar Hacıyevin işi üzrə məhkəmə prosesində zərərçəkən məhkəmə məmuru Orxan Abdullayevin ifadələri dinlənilib.
-
Mayın 17-də Azərbaycan və Belarus prezidentləri Füzulidən Şuşaya gediblər.
-
Bu gün Avropa İttifaqı Şurası Rusiya təbliğatı yayan və Ukraynaya qarşı təcavüzkar müharibəni dəstəkləyən daha dörd KİV-in: "Avropanın səsi", RİA Novosti, "İzvestiya" və "Rossiyskaya qazeta"nın Avropa İttifaqında yayımını dayandırmaq qərarına gəlib.
Rəy yaz