ABŞ Maydan etirazları ilə əlaqədar Ukraynanın bir sıra vətəndaşlarına qarşı sanksiyalar tətbiq edib. Amerikanın Kiyevdəki səfirliyinin məlumatında qeyd edilir ki, Dövlət Departamenti Ukraynadakı vəziyyətlə əlaqədar artıq viza almış vətəndaşları da ölkə ərazisinə buraxmaya bilər.
“Ötən ilin noyabr və dekabr aylarında Maydanda etirazçılara qarşı törədilən hərəkətlərə cavab olaraq ABŞ səfirliyi güc tətbiqi ilə əlaqəsi olan bir neçə Ukrayna vətəndaşının vizasını ləğv edib. “Qeyd etmək istəyirik ki, Dövlət Departamentinin viza alan şəxsin ABŞ ərazisinə buraxılmasının qeyri-mümkün olduğunu göstərən informasiya əsasında vizaları ləğv etmək üçün geniş səlahiyyətlərə malikdir”, deyə səfirliyin bəyanatında bildirilir. Bundan başqa, ABŞ bu sahədə gələcək addımlarla bağlı variantlara baxır.
Bir müddət əvvəl, yanvarın 20-də ABŞ Milli Təhlükəsizlik Şurasının Ağ Evdəki nümayəndəsi Keytlin Heyden vəziyyətin pisləşməsində Ukrayna hakimiyyətini ittiham edib. O, Kiyevin mərkəzindən xüsusi təyinatlıları çıxarmağı və etirazçılarla dialoqa başlamağı tələb edib. Onun sözlərinə görə, əks halda Ukraynanı sanksiyalar gözləyir. Hələ ötən ilin dekabr ayında ABŞ konqresi Ukrayna hakimiyyətini nümayişçilərə qarşı güc tətbiqi ilə əlaqədar sanksiya tətbiqi ilə hədələyib. Bu bəyanatı ABŞ Demokrat Partiyasının nümayəndəsi Eliot Engel yayıb. Qətnamədə Ukrayna hakimiyyəti və müxalifəti dinc dialoqa və ölkədə yaranmış böhranı tənzimləməyə çağırılır.
Yanvarın 16-da Ukrayna Parlamenti qanunlara qalmaqala səbəb olan düzəlişlər, o cümlədən internetdə “ekstremizmə” görə cinayət məsuliyyəti haqqında düzəliş qəbul edib ki, bu da əhali arasında yeni narazılıqlara səbəb olub. Kiyevin mərkəzində dinc etiraz aksiyaları hüquq-mühafizə qüvvələri ilə qarşıdurmalara çevrilib. Nəticədə 30-dan çox insan saxlanılıb, iki nəfər qətlə yetirilib.
Qeyri-rəsmi məlumatlara görə, səfər qadağası Ukrayna DİN rəhbərinə və ölkənin digər güc qurumlarının rəhbərlərinə, habelə bir sıra dövlət məmurlarına aiddir. -02D-
Siyasət
-
Müdafiə Nazirliyinin Tədris və Təlim Mərkəzinin maliyyə xidmətinin keçmiş rəisi, polkovnik-leytenant Rəşad Məlikzadə 10 il, 6 ay müddətinə azadlıqdan məhrum edilib.
-
Elm və Təhsil Nazirliyi Masallı rayonunun Boradigah qəsəbəsi sakinlərinin Nizami Gəncəvi adına 1 saylı məktəbin qəzalı vəziyyətdə olması barədə müraciətinə reaksiya verib.
-
Azərbaycan parlamenti mövcud bələdiyyələrin birləşdirilməsi yolu ilə yeni bələdiyyələrin yaradılmasını təsdiqləyib. Bu addım inzibati səmərəliliyi və yerli idarəetməni gücləndirmək məqsədi daşıyır. Qərar, "Bələdiyyələrin Birgə Fəaliyyəti, Birləşməsi, Ayrılması və Ləğvi haqqında" qanuna edilmiş dəyişikliklər əsasında, Konstitusiyanın 95-ci maddəsinə uyğun olaraq qəbul edilib.
-
Siyasi Menecment İnstitutunun direktoru, politoloq Azər Qasımlı bu gün saat 16:00-da Bakı Şəhər Baş Polis İdarəsinə çağırılıb. Bu barədə o, Facebook-da yazıb.
Rəy yaz