![ABŞ Ukraynaya Rusiyadan xilas olmağa kömək edəcək](https://turan.az/resized/750/500/resize/media/2014/main/060400080554.jpg)
ABŞ Ukraynaya Rusiyadan xilas olmağa kömək edəcək
Çərşənbə günü Polşanın paytaxtında ABŞ və Ukrayna prezidentlərinin görüşü keçirilib, bu barədə Reuter agentliyi məlumat yayıb.
ABŞ prezidenti Barak Obama və Ukraynanın yeni seçilmiş prezidenti Petr Poroşenko Ukraynanın Rusiyadan enerji asılılığını azaltmaq məqsədi daşıyan planı müzakirə ediblər. Bunun məhz necə ediləcəyi bildirilmir.
İki ölkə lideri 4 iyun 1989-cu ildə Polşada hüquq müdafiə hərəkatının və “Həmrəylik” həmkarlar ittifaqının qələbəsi ilə nəticələnən azad seçkilərin ildönümü münasibətilə təntənəli mərasimlərdə iştirak etmək üçün Polşaya gəliblər.
ABŞ dövlət katibi Con Kerrinin də iştirak etdiyi Obama və Poroşenkonun görüşündə tərəflər ABŞ-ın Ukraynaya güc qurumlarının şəxsi heyətinin təlimində, habelə bu ölkədə sülh və iqtisadi inkişafın bərpası işində necə kömək edə biləcəyini müzakirə ediblər.
Obama Poroşenkonun Ukrayna prezidenti vəzifəsinə seçilməsini ölkədə hazırki böhran vəziyyətində “müdrik qərar” adlandırıb. Brüsseldə qarşıda duran “yeddilər qrupu”nun sammiti ilə bağlı şərh verən Barak Obama qeyd edib ki, bu görüş Poroşenkoya dünya ictimaiyyətinin dəstəyinin mühüm siqnalı olacaq.
Öz növbəsində, Petr Poroşenko qərb dünyasının Ukrayna ilə həmrəyliyini yüksək qiymətləndirib. “Biz görürük ki, bütün dünya bizim tərəfimizdədir. Təcavüzkar təcrid olunmağa məhkumdur”, deyə o bildirib.
Bir müddət əvvəl Poroşenko Con Kerri ilə ayrıca görüş keçirib. ABŞ Dövlət Departamentinin rəhbəri bildirib ki, ölkəsi iyunun 7-də inauqurasiya mərasimində Poroşenkonun qələbəsini qeyd etməyə hazırlaşır. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz